തിരുവനന്തപുരം - ശബരിമല വിമാനത്താവളത്തിന് വ്യോമയാന മന്ത്രാലയം അനുമതി നല്‍കണമെങ്കില്‍ 3500 മീറ്ററുള്ള റണ്‍വേ ആവശ്യമാണെന്നും ചെറുവള്ളി എസ്റ്റേറ്റ് മാത്രമാണ് ശബരിമല വിമാനത്താവളത്തിന് അനുയോജ്യമായ പ്രദേശമെന്നും മുഖ്യമന്ത്രി പിണറായി വിജയന്‍ നിയമസഭയില്‍ പറഞ്ഞു. 2268.13 ഏക്കറുള്ള ചെറുവള്ളി എസ്റ്റേറ്റാണ് വിമാനത്താവളത്തിനായി സര്‍ക്കാര്‍ ഉദ്ദേശിക്കുന്നതെന്നും മുഖ്യമന്ത്രി നിയമസഭയില്‍ പറഞ്ഞു. ചെറുവള്ളി എസ്‌റ്റേറ്റിന് പുറമെ റണ്‍വേക്കായി 307 ഏക്കര്‍ സ്ഥലം കൂടി ഏറ്റെടുക്കേണ്ടി വരും. ചെറുവള്ളിയില്‍ നെടുമ്പാശ്ശേരിക്ക് ഒരു ഫീഡര്‍ വിമാനത്താവളം എന്ന പദ്ധതിയാണ് ഇപ്പോള്‍ രാജ്യാന്തര വിമാനത്താവളമായി മാറിയതെന്നും മുഖ്യമന്ത്രി പറഞ്ഞു.
