കൊച്ചി- മുതിര്ന്ന കോണ്ഗ്രസ് നേതാവ് വക്കം പുരുഷോത്തമന് അന്തരിച്ചു. 96 വയസായിരുന്നു. തിരുവനന്തപുരത്തെ വസതിയില് വെച്ചായിരുന്നു അന്ത്യം. അഞ്ചു തവണ ആറ്റിങ്ങലില് നിന്ന് എംഎല്എയായി തിരഞ്ഞെടുക്കപ്പെട്ടു. മൂന്നു തവണ മന്ത്രിപദം വഹിച്ചു. മഹാരാഷ്ട്ര, മിസോറാം എന്നീ സംസ്ഥാനങ്ങളില് ഗവര്ണറായി സേവനം അനുഷ്ടിച്ചു. 1946-ല് സ്റ്റുഡന്റ്സ് കോണ്ഗ്രസ് എന്ന വിദ്യാര്ത്ഥി സംഘടന വഴിയാണ് പൊതുരംഗ പ്രവേശനം. 1953-ല് വക്കം ഗ്രാമ പഞ്ചായത്ത് അംഗമായി. പിന്നീട് തിരുവനന്തപുരം ഡിസിസി പ്രസിഡന്റ്, കെപിസിസിയുടെ ജനറല് സെക്രട്ടറി, വൈസ് പ്രസിഡന്റ് എന്നീ നിലകളിലും പ്രവര്ത്തിച്ചു