കോഴിക്കോട് - നിലമ്പൂരിൽ മാവോയിസ്റ്റുകളെ വെടി വെച്ച് കൊന്ന സംഭവത്തിൽ പ്രതിഷേധിച്ചതിന് മനുഷ്യാവകാശ പ്രവർത്തകൻ ഗ്രോ വാസുവിനെ മെഡിക്കൽ കോളേജ് പോലീസ് കസ്റ്റഡിയിൽ എടുത്തു. 2016 ൽ നിലമ്പൂരിൽ മാവോയിസ്റ്റുകളെ വെടി വെച്ച് കൊന്ന സംഭവത്തിൽ മെഡിക്കൽ കോളജ് മോർച്ചറിക്കു മുൻപിൽ സംഘം ചേർന്നതിനും മാർഗതടസം സൃഷ്ടിച്ചതിനും മെഡിക്കൽ കോളജ് പോലീസ് എടുത്ത കേസിലാണ് അറസ്റ്റ്. കോടതിയിൽ ഹാജരാകാൻ സമൻസ് അയച്ചിട്ടും ഹാജരാകാത്ത വാസു പിടികിട്ടാപുള്ളിയായി നടക്കുകയാണെന്നാണ് പോലീസ് വാദം. തുടർന്ന് കോടതി നൽകിയ വാറണ്ടിന്റെ അടിസ്ഥാനത്തിലാണ് കസ്റ്റഡിയിലെടുത്തത്. പിഴ അടയ്ക്കില്ലെന്നും കോടതിയിൽ കേസ് സ്വന്തമായി വാദിക്കുമെന്നും വാസു പറഞ്ഞു. കുന്ദമംഗലം കോടതിയിൽ ഹാജരാക്കിയ വാസുവിനെ സ്വന്തം ആൾ ജാമ്യത്തിൽ വിട്ടു.
