കോഴിക്കോട്- തെരുവുനായ കുറുകെ ചാടിയതിനെ തുടര്ന്ന് നിയന്ത്രണം വിട്ട് ഓട്ടോ മറിഞ്ഞ് ഡ്രൈവര്ക്ക് ദാരുണാന്ത്യം. അഴിയൂര് ആവിക്കര റോഡില് പുതിയപറമ്പത്ത് അനില് ബാബു(44) ആണ് മരിച്ചത്.
കണ്ണൂക്കരയില് വ്യാഴാഴ്ച്ച വൈകിട്ടായിരുന്നു സംഭവം. നാട്ടുകാര് വടകര സ്വകാര്യ ആശുപത്രിയില് എത്തിച്ചുവെങ്കിലും രാത്രിയോടെ മരണം സംഭവിക്കുകയായിരുന്നു. തെരുവുനായ ഓട്ടോയുടെ മുന്നിലേക്ക് ചാടുകയായിരുന്നു. ഉടന് തന്നെ വാഹനം നിയന്ത്രണം വിട്ട് തലകീഴായി മറിഞ്ഞു. ഗുരുതരമായി പരിക്കേറ്റ അനില് ബാബുവിനെ ഓടിക്കൂടിയ നാട്ടുകാരാണ് ഉടന് തന്നെ ആശുപത്രിയിലെത്തിച്ചത്.
