ന്യൂദൽഹി-മുസ്ലീം ജനസംഖ്യയുടെ സ്ഥിതിവിവരക്കണക്കിനെച്ചൊല്ലി എഐഎംഐഎം നേതാവ് അസദുദ്ദീൻ ഉവൈസിയും കേന്ദ്ര ന്യൂനപക്ഷകാര്യ മന്ത്രി സ്മൃതി ഇറാനിയും തമ്മിൽ ട്വിറ്ററിൽ പോര്.
മുസ്ലിം ജനസംഖ്യ 20 കോടി കവിയില്ലെന്ന് കേന്ദ്രമന്ത്രി പറഞ്ഞെങ്കിലും ഏതാനും വർഷങ്ങൾക്കുള്ളിൽ മുസ്‌ലിംകൾ ഭൂരിപക്ഷമാകുമെന്നാണ് ശാഖപുത്ര സംഘികൾ വിശ്വസിക്കുന്നത്. ലോക്‌സഭയിൽ സ്മൃതി ഇറാനിയുടെ മറുപടിയെക്കുറിച്ചുള്ള വാർത്താ റിപ്പോർട്ട് ഉദ്ധരിച്ചായിരുന്നു ഉവൈസിയുടെ ട്വീറ്റ്.അടിസ്ഥാന ഗണിതശാസ്ത്രം മനസ്സിലാകുന്നില്ലെങ്കിൽ, അവർ നരേന്ദ്ര മോഡി സർക്കാരിലെങ്കിലും വിശ്വസിക്കുമെന്ന് ഞാൻ പ്രതീക്ഷിക്കുന്നു," അദ്ദേഹം പറഞ്ഞു.
എന്നാൽ പത്രവാർത്തയിൽ എവിടെയും 'അധികമാകില്ല' എന്ന് പറഞ്ഞിട്ടില്ലെന്ന് തിരുത്തിയാണ് ഹൈദരാബാദ് എംപിയുടെ ട്വീറ്റിനോട് മന്ത്രി സ്മൃതി ഇറാനി പ്രതികരിച്ചത്.
“സാർ നിങ്ങൾ ഉപയോഗിച്ചിരിക്കുന്ന റിപ്പോർട്ട് ദയവായി പരിശോധിക്കുക. അതിൽ 'അധികമാകില്ല' എന്ന വാക്ക് ഉപയോഗിച്ചിട്ടില്ല. നിങ്ങൾ തെറ്റിദ്ധരിപ്പിക്കാൻ ആഗ്രഹിക്കുന്നില്ലെന്നാണ് കരുതുന്നത്-”അവർ ട്വീറ്റ് ചെയ്തു.
2023ൽ മുസ്ലിം ജനസംഖ്യ 19.7 കോടിയാണെന്നാണ് മന്ത്രിയുടെ റിപ്പോർട്ട് പറയുന്നത്. വ്യക്തമായും അത് 20 കോടി കവിഞ്ഞിട്ടില്ലെന്നാണ് അർത്ഥമാക്കുന്നത്. കേവലം കണക്കിനെ കുറിച്ച് നിങ്ങൾ തർക്കിക്കാൻ ആഗ്രഹിക്കുന്നില്ലെന്ന് എനിക്ക് ഉറപ്പുണ്ട്- ഉവൈസി ഈ വിഷയത്തെക്കുറിച്ചുള്ള മറ്റ് നിരവധി മാധ്യമ റിപ്പോർട്ടുകളുടെ ചിത്രങ്ങൾ ചേർത്തുകൊണ്ട് മറുപടി നൽകി.
.@smritiirani says Muslim population won’t exceed 20 cr, but Shakha-putra Sanghis believe that India will be Muslim majority in a few years. This evil propaganda demonises Muslims. If they don’t understand basic maths, I hope they can at least believe @narendramodi’s govt pic.twitter.com/VwKNiXWlF4
— Asaduddin Owaisi (@asadowaisi) July 21, 2023
