തിരുവനന്തപുരം - അന്തരിച്ച മുന് മുഖ്യമന്ത്രി ഉമ്മന്ചാണ്ടിക്ക് ആദരാഞ്ജലികള് അര്പ്പിച്ച് നടന് മോഹന്ലാല്. ദീര്ഘവീഷണവും ഇച്ഛാശക്തിയുമുള്ള, കര്മ്മധീരനായ അദ്ദേഹത്തെ കേരളം എക്കാലവും നെഞ്ചോടു ചേര്ത്തുപിടിച്ചുവെന്ന് മോഹന്ലാല് പറഞ്ഞു. വ്യക്തിപരമായി ഒട്ടേറെ അടുപ്പമാണ് അദ്ദേഹവുമായി എക്കാലത്തും തനിക്കുണ്ടായിരുന്നതെന്ന് മോഹന്ലാല് ഫെയ്സ്ബുക്കില് കുറിച്ചു.
ഫെയ്സ് ബുക്ക് കുറിപ്പ്
''പ്രഥമപരിഗണന എപ്പോഴും ജനങ്ങള്ക്ക് നല്കിയ പ്രിയപ്പെട്ട നേതാവും, സാധാരണക്കാരന്റെ പ്രശ്നങ്ങള് കേള്ക്കാനും പരിഹരിക്കാനും അവരിലേക്കിറങ്ങി ചെന്ന മനുഷ്യസ്നേഹിയുമായിരുന്നു, പ്രിയപ്പെട്ട ഉമ്മന് ചാണ്ടി സര്. വ്യക്തിപരമായി ഒട്ടേറെ അടുപ്പമാണ് അദ്ദേഹവുമായി എക്കാലത്തും എനിക്കുണ്ടായിരുന്നത്. ദീര്ഘവീഷണവും ഇച്ഛാശക്തിയുമുള്ള, കര്മ്മധീരനായ അദ്ദേഹത്തെ കേരളം എക്കാലവും നെഞ്ചോടു ചേര്ത്തുപിടിച്ചു. നാടിന് ഒട്ടേറെ നേട്ടങ്ങളും പുരോഗതിയും സമ്മാനിച്ചിട്ടാണ് അദ്ദേഹം ഈ ലോകത്തോട് വിടപറഞ്ഞത്. വേദനയോടെ ആദരാഞ്ജലികള്'' - മോഹന്ലാല്
