കൊച്ചി - നെടുമ്പാശ്ശേരിയിൽ സിനിമാ വാൻ തടഞ്ഞ് ആക്രമണം. ഡ്രൈവറെ മർദ്ദിച്ച ശേഷം താക്കോൽ ഊരി അക്രമികൾ കാർ ഓടിച്ചു രക്ഷപ്പെടുകയായിരുന്നു. ഫെിൽമാറ്റിക്ക എന്ന സിനിമ യുണിറ്റിന്റെ വാൻ ആണ് തടഞ്ഞത്. നടുമ്പാശ്ശേരി സിഗ്‌നൽ ജംഗ്ഷനിൽ വച്ചാണ് സംഭവം.
എക്കോ സ്‌പോർട് കാറിൽ എത്തിയ എട്ടംഗ സംഘമാണ് മർദ്ദിച്ചതെന്ന് വാൻ യാത്രക്കാർ പറഞ്ഞു. സിഗ്‌നൽ ജഗ്ഷനിൽ കുടുങ്ങിയ വാൻ നാട്ടുകാർ റോഡ് അരികിലേക്ക് തള്ളി മാറ്റി. അക്രമികളെയും അവർ സഞ്ചരിച്ച കാറും കണ്ടെത്താൻ ഊർജിത അന്വേഷണം തുടങ്ങിയതായി പോലീസ് പറഞ്ഞു.
