പത്തനംതിട്ട - അടൂരില് പ്രായപൂര്ത്തിയാകാത്ത പെണ്കുട്ടിയെ കൂട്ടബലാത്സംഗം ചെയ്ത കേസില് കാമുകനടക്കം ആറുപേര് പോലീസ് പിടിയിലായി. സ്കൂള് വിദ്യാര്ത്ഥിനിയായ 17കാരിയെയാണ് കാമുകനുംസുഹൃത്തുക്കളും ചേര്ന്ന് ബലാത്സംഗം ചെയ്തത്. കഴിഞ്ഞ വര്ഷം ഡിസംബറിലാണ് സംഭവം നടന്നത്. ചൈല്ഡ് വെല്ഫെയര് കമ്മിറ്റി നല്കിയ റിപ്പോര്ട്ടിന്റെ അടിസ്ഥാനത്തില് ജൂലായ് ആദ്യവാരമാണ് സംഭവത്തില് പൊലീസ് കേസെടുത്തത്. തുടര്ന്ന് പെണ്കുട്ടിയെ വൈദ്യപരിശോധനയ്ക്ക് വിധേയയാക്കുകയും വിശദമായ മൊഴി രേഖപ്പെടുത്തി അന്വേഷണം ആരംഭിക്കുകയുമായിരുന്നു. കസ്റ്റഡിയിലെടുത്ത പ്രതികളെ പൊലീസ് വിശദമായി ചോദ്യംചെയ്തുവരിയാണ്.
