തിരുവനന്തപുരം - മറുനാടൻ മലയാളി എഡിറ്റർ ഷാജൻ സ്കറിയ കേരള പോലീസിന്റെ വയർലെസ് സന്ദേശങ്ങൾ ചോർത്തിയെന്ന
ഗുരുതര ആരോപണവുമായി പി.വി അൻവർ എം.എൽ.എ രംഗത്ത്. വയർലെസ് സന്ദേശം ചോർത്താൻ ഷാജൻ സ്കറിയ മഹാരാഷ്ട്രയിലെ സംവിധാനങ്ങൾ ഉപയോഗിച്ചതായി ഡി.ജി.പി ഡോ. ഷെയ്ഖ് ദർവേഷ് സാഹിബിന് നൽകിയ പരാതിയിൽ അൻവർ ആരോപിച്ചു.
രാജ്യസുരക്ഷയെ ബാധിക്കുന്ന കാര്യമാണിതെന്ന് ചൂണ്ടിക്കാണിച്ച അദ്ദേഹം പ്രധാനമന്ത്രി നരേന്ദ്ര മോഡിക്കും ഇ-മെയിൽ വഴി പരാതി അയച്ചു. തന്റെ പരാതി അന്വേഷിക്കുമെന്ന് ഡി.ജി.പി ഉറപ്പു നൽകിയതായും പി.വി അൻവർ മാധ്യമങ്ങളോട് പറഞ്ഞു.
