കൊല്ലം - പന്നിപ്പടക്കം പൊളിക്കാന് വേണ്ടി കൊടുവാളുകൊണ്ട് വെട്ടി നോക്കിയപ്പോള് പൊട്ടിത്തറിച്ച് വിദ്യാര്ത്ഥിനിയുടെ കൈപ്പത്തി അറ്റു. കണ്ണിനും പരിക്കേറ്റു. കടക്കല് കാരക്കാട് സ്വദേശി രാജിയ്ക്കാണ് ഗുരുതരമായി പരിക്കേറ്റത്. രാജിയെ പാരിപ്പള്ളി മെഡിക്കല് കോളജ് ആശുപത്രിയില് പ്രവേശിപ്പിച്ചിരിക്കുകയാണ്. വീടിന് സമീപത്ത് കിടന്ന പന്നിപ്പടക്കം കൊടുവാള് കൊണ്ട് വെട്ടി നോക്കുമ്പോഴാണ് അപകടം സംഭവിച്ചത്. രാജിയുടെ അമ്മ ലീലയ്ക്കാണ് പന്നിപ്പടക്കം കിട്ടിയത്. പന്നിപ്പടക്കം അമ്മ അഴിച്ച് നോക്കുന്നത് കണ്ട രാജി അമ്മയുടെ കയ്യില് നിന്ന് വാങ്ങി വെട്ടുകത്തി ഉപയോഗിച്ച് വെട്ടി പൊളിച്ചപ്പോഴാണ് പൊട്ടിത്തെറിച്ചത്. രാജി ടി ടി സി വിദ്യാര്ത്ഥിനിയാണ്.
