കല്പ്പറ്റ - പുല്പ്പള്ളി സഹകരണ ബാങ്ക് വായ്പാ തട്ടിപ്പ് കേസില് കോണ്ഗ്രസ് മണ്ഡലം പ്രസിഡന്റ് വി.എം പൗലോസ് അറസ്റ്റിലായി. കേസില് നാലാം പ്രതിയാണ് പൗലോസ്. തട്ടിപ്പിനിരയായ പുല്പ്പള്ളി സ്വദേശി നല്കിയ പരാതിയിലാണ് ഇയാളെ അറസ്റ്റ് ചെയ്തത്. ഇതോടെ കേസില് അറസ്റ്റിലായവര് മൂന്നായി. മുന് ബാങ്ക് പ്രസിഡന്റും കെ പി സി സി ജനറല് സെക്രട്ടറിയുമായിരുന്ന കെ കെ എബ്രഹാം, മുന് ബാങ്ക് സെക്രട്ടറി രമാദേവി എന്നിവരെയാണ് നേരത്തെ അറസ്റ്റ് ചെയ്തിരുന്നത്. ഇവരുടെ തട്ടിപ്പിനിരയായ കര്ഷകനായ പുല്പ്പള്ളി ചെമ്പകമൂല രാജേന്ദ്രന് മെയ് 30ന് ആത്മഹത്യ ചെയ്തിരുന്നു. ഇത് വിവാദമായതിനെ തുടര്ന്നാണ് ഇവരെ അറസ്റ്റ് ചെയ്തത്.
