അങ്കാറ- തര്ക്കിയുടെ ദീര്ഘകാല നേതാവായി മാറിയ റജബ് ത്വയ്യിബ് ഉര്ദുഗന് സത്യപ്രതിജ്ഞ ചെയ്ത് അധികാരമേറ്റു. മൂന്ന് തവണ പ്രധാനമന്ത്രിയായി ഭരിച്ച അദ്ദേഹം ഇതോടെ തന്റെ മൂന്നാമത്തെ പ്രസിഡന്റ് പദത്തിലേക്കാണ് പ്രവേശിച്ചത്.
ഉര്ദുഗാന് പുതിയ മന്ത്രിസഭയെ പിന്നീട് പ്രഖ്യാപിക്കും. തുര്ക്കി ജനത നേരിടുന്ന ജീവിതച്ചെലവ് പ്രതിസന്ധിക്കിടയില് പാരമ്പര്യേതര സാമ്പത്തിക നയങ്ങളുടെ തുടര്ച്ചയായിരിക്കുമോ അതോ കൂടുതല് പരമ്പരാഗതമായ നയങ്ങളിലേക്കുള്ള തിരിച്ചുപോക്ക് ഉണ്ടാകുമോ എന്നാണ് നിരീക്ഷകര് ഉറ്റുനോക്കുന്നത്. മന്ത്രിസഭാ പ്രഖ്യാപനത്തോടെ ഇക്കാര്യം കൂടുതല് വ്യക്തമാകും.
69 കാരനായ ഉര്ദു കഴിഞ്ഞയാഴ്ച നടന്ന റണ്ഓഫ് പ്രസിഡന്റ് തെരഞ്ഞെടുപ്പിലാണ് അഞ്ച് വര്ഷത്തേക്കു കൂടി ഭരണം ഉറപ്പിച്ചത്. യൂറോപ്പിലും ഏഷ്യയിലും വ്യാപിച്ചുകിടക്കുന്ന രാജ്യത്ത് തന്റെ 20 വര്ഷത്തെ ഭരണം കാല് നൂറ്റാണ്ടിലേക്ക് നീട്ടുകയാണ് അദ്ദേഹം. 2003 മുതല് പ്രധാനമന്ത്രിയായും തുടര്ന്ന് പ്രസിഡന്റായും അധികാരത്തിലിരുന്ന ഉര്ദുഗന് തുര്ക്കിയെ ഏറ്റവും കൂടുതല് കാലം സേവിച്ച നേതാവാണ്.
85 ദശലക്ഷമുള്ള രാജ്യമാണ് നാറ്റോയുടെ രണ്ടാമത്തെ വലിയ സൈന്യത്തെ നിയന്ത്രിക്കുന്നത്. ദശലക്ഷക്കണക്കിന് അഭയാര്ത്ഥികള്ക്ക് അഭയം നല്കിയ രാജ്യമാണ്. ആഗോള ഭക്ഷ്യ പ്രതിസന്ധി ഒഴിവാക്കാന് ഉക്രൈനിലേക്ക് ധാന്യം കയറ്റുമതി ചെയ്യാന് അനുവദിക്കുന്ന ഇടപാടിന് മധ്യസ്ഥം വഹിച്ചതും തുര്ക്കിയാണ്.
നാറ്റോ സെക്രട്ടറി ജനറല് ജെന്സ് സ്റ്റോള്ട്ടന്ബെര്ഗ്, സ്വീഡിഷ് മുന് പ്രധാനമന്ത്രി കാള് ബില്ഡ് എന്നിവരുള്പ്പെടെ ഡസന് കണക്കിന് വിദേശ പ്രമുഖര് ചടങ്ങില് പങ്കെടുക്കാനെത്തിയിരുന്നു. സൈനിക സഖ്യത്തില് സ്വീഡന്റെ അംഗത്വത്തോടുള്ള തുര്ക്കിയുടെ എതിര്പ്പ് നീക്കാന് വിദേശ നേതാക്കള് ഉര്ദുഗാനില് സമ്മര്ദ്ദം ചെലുത്തും. കുര്ദിഷ് തീവ്രവാദികളോടും തുര്ക്കി തീവ്രവാദികളായി കരുതുന്ന മറ്റ് ഗ്രൂപ്പുകളോടും സ്വീഡന് മൃദുനിലപാട് സ്വീകരിക്കുന്നതെന്ന് തുര്ക്കി ആരോപിക്കുന്നു. ജൂലൈ 11,12 തീയതികളില് ലിത്വാനിയയില് സഖ്യകക്ഷി നേതാക്കള് യോഗം ചേരുമ്പോഴേക്കും സ്വീഡനെ സഖ്യത്തിലേക്ക് കൊണ്ടുവരാന് നാറ്റോ നീക്കമുണ്ടെങ്കിലും തുര്ക്കിയും ഹംഗറിയും ഇതുവരെ ബിഡ് അംഗീകരിച്ചിട്ടില്ല. ഹംഗേറിയന് പ്രധാനമന്ത്രി വിക്ടര് ഓര്ബനും ചടങ്ങില് പങ്കെടുക്കും.
തകര്ന്ന സമ്പദ്വ്യവസ്ഥ, ദശലക്ഷക്കണക്കിന് സിറിയന് അഭയാര്ത്ഥികളെ തിരിച്ചയക്കുന്നതിനുള്ള സമ്മര്ദ്ദം, ഫെബ്രുവരിയില് 50,000 പേര് കൊല്ലപ്പെടുകയും നഗരത്തിലെ മുഴുവന് നഗരങ്ങളും നിലംപരിശാക്കുകയും ചെയ്ത ഭൂകമ്പത്തിന് ശേഷം പുനര്നിര്മ്മിക്കേണ്ടതിന്റെ ആവശ്യകത എന്നിവയുള്പ്പെടെ നിരവധി ആഭ്യന്തര വെല്ലുവിളികള്ക്കിടയിലാണ് ഉര്ദുഗാന് പ്രസിഡന്റ് സ്ഥാനത്ത് തന്റെ മൂന്നാമൂഴും തുടങ്ങുന്നത്.