സ്‌റ്റോക്ക്‌ഹോം: സ്‌കാന്റിനേവിയന്‍ എയര്‍ലൈന്‍സിന്റെ ഇലക്ട്രിക് വിമാനത്തിലേക്കുള്ള ടിക്കറ്റ് ബുക്കിംഗ് ആരംഭിച്ചു. ടിക്കറ്റിപ്പോഴെടുത്താലും യാത്ര 2028ല്‍ മാത്രമേ സാധ്യമാകു. അതുതന്നെ ഏത് തിയ്യതിയിലാണെന്നും എവിടുന്നാണെന്നുമൊന്നും വ്യക്തമാക്കിയിട്ടില്ല. അക്കാര്യങ്ങളൊക്കെ പിന്നീട് ഇ- മെയില്‍ വഴിയാണത്രെ അറിയിക്കുക.
വ്യോമയാന രംഗത്തെ ആദ്യത്തെ ഓള്‍- ഇലക്ട്രിക്ക് ഫ്‌ളൈറ്റാണ് സ്‌കാന്റിനേവിയന്‍ എയര്‍ലൈന്‍സിന്റേത്. സ്‌കാന്റിനേവിയന്‍ എയര്‍ലൈന്‍സ് ആരംഭിച്ച വര്‍ഷത്തോടുള്ള ആദര സൂചകമായി കമ്പനി 30 ടിക്കറ്റുകള്‍ വില്‍ക്കുന്നത് 1946 സ്വീഡിഷ് ക്രോണയ്ക്കാണ്.
2050-ഓടെ കാര്‍ബണ്‍ ഉദ്‌വമനം ലക്ഷ്യം കൈവരിക്കുന്നതിന് ചെറിയ യാത്രകളില്‍ ഇലക്ട്രിക് വിമാനങ്ങള്‍ ഉള്‍പ്പെടെയുള്ള നൂതനാശയങ്ങള്‍ വികസിപ്പിക്കുകയും ഉപയോഗിക്കുകയും ചെയ്യുന്നത് നിര്‍ണായക പങ്ക് വഹിക്കുമെന്ന് സ്‌കാന്റിനേവിയന്‍ എയര്‍ലൈന്‍സ് അധികൃതര്‍ പറയുന്നു. സ്വീഡിഷ് ഇലക്ട്രിക് എയര്‍പ്ലെയിന്‍ സ്റ്റാര്‍ട്ടപ്പായ ഹാര്‍ട്ട് എയ്റോസ്പേസിന്റെ 30 പേര്‍ക്ക് യാത്ര ചെയ്യാവുന്ന ഇ എസ്-30 മോഡലായിരിക്കും ആദ്യ വിമാനം. 2019 മുതല്‍ ഹാര്‍ട്ടിന്റെ വൈദ്യുത വിമാനത്തിന്റെ വികസനത്തെ സ്‌കാന്റിനേവിയന്‍ എയര്‍ലൈന്‍സ് പിന്തുണയ്ക്കുന്നുണ്ട്.
നാല് ഇലക്ട്രിക് മോട്ടോറുകളും 200 കിലോമീറ്റര്‍ മുഴുവന്‍ വൈദ്യുത ശ്രേണിയും നല്‍കുന്ന ബാറ്ററി സംവിധാനവുമാണ് ഊര്‍ജം പകരുന്നത്. ഇത് ഒരു ചെറിയ ദൂരമാണെന്ന് തോന്നുമെങ്കിലും ചെറിയ യാത്രകള്‍ക്ക് ഇത് അനുയോജ്യമാണ്. കൂടാതെ 2030-കളുടെ അവസാനത്തോടെ ഓള്‍-ഇലക്ട്രിക് ശ്രേണി ഇരട്ടിയാക്കാനും ഹാര്‍ട്ട് പദ്ധതിയിടുന്നു. ബാറ്ററിയെക്കുറിച്ചുള്ള വിശദാംശങ്ങളൊന്നും വെളിപ്പെടുത്തിയിട്ടില്ലെങ്കിലും മാര്‍ച്ചില്‍ 'ഇത്തരത്തിലുള്ള ആദ്യത്തെ' സംവിധാനം വികസിപ്പിക്കുന്നതിന് ഡിഫന്‍സ്, എയ്റോസ്പേസ് ലീഡറായ ബി. എ. ഇ. സിസ്റ്റംസുമായി ഹാര്‍ട്ട് പങ്കാളികളായി.
ടിക്കറ്റെടുക്കാന്‍ താത്പര്യമുള്ളവര്‍ക്ക് flysas.com/electric എന്ന ലിങ്കില്‍ കയറി സീറ്റ് ബുക്ക് ചെയ്യാവുന്നതാണ്. എന്നാല്‍ വിമാനം പുറപ്പെടുന്ന തിയ്യതിയോ സ്ഥലമോ രേഖപ്പെടുത്തിയിട്ടില്ല. ഈ വിശദാംശങ്ങള്‍ പിന്നീട് ഇ-മെയില്‍ ചെയ്യും.
സ്‌റ്റോക്ക്‌ഹോം: സ്‌കാന്റിനേവിയന്‍ എയര്‍ലൈന്‍സിന്റെ ഇലക്ട്രിക് വിമാനത്തിലേക്കുള്ള ടിക്കറ്റ് ബുക്കിംഗ് ആരംഭിച്ചു. ടിക്കറ്റിപ്പോഴെടുത്താലും യാത്ര 2028ല്‍ മാത്രമേ സാധ്യമാകു. അതുതന്നെ ഏത് തിയ്യതിയിലാണെന്നും എവിടുന്നാണെന്നുമൊന്നും വ്യക്തമാക്കിയിട്ടില്ല. അക്കാര്യങ്ങളൊക്കെ പിന്നീട് ഇ- മെയില്‍ വഴിയാണത്രെ അറിയിക്കുക.
വ്യോമയാന രംഗത്തെ ആദ്യത്തെ ഓള്‍- ഇലക്ട്രിക്ക് ഫ്‌ളൈറ്റാണ് സ്‌കാന്റിനേവിയന്‍ എയര്‍ലൈന്‍സിന്റേത്. സ്‌കാന്റിനേവിയന്‍ എയര്‍ലൈന്‍സ് ആരംഭിച്ച വര്‍ഷത്തോടുള്ള ആദര സൂചകമായി കമ്പനി 30 ടിക്കറ്റുകള്‍ വില്‍ക്കുന്നത് 1946 സ്വീഡിഷ് ക്രോണയ്ക്കാണ്.
2050-ഓടെ കാര്‍ബണ്‍ ഉദ്‌വമനം ലക്ഷ്യം കൈവരിക്കുന്നതിന് ചെറിയ യാത്രകളില്‍ ഇലക്ട്രിക് വിമാനങ്ങള്‍ ഉള്‍പ്പെടെയുള്ള നൂതനാശയങ്ങള്‍ വികസിപ്പിക്കുകയും ഉപയോഗിക്കുകയും ചെയ്യുന്നത് നിര്‍ണായക പങ്ക് വഹിക്കുമെന്ന് സ്‌കാന്റിനേവിയന്‍ എയര്‍ലൈന്‍സ് അധികൃതര്‍ പറയുന്നു. സ്വീഡിഷ് ഇലക്ട്രിക് എയര്‍പ്ലെയിന്‍ സ്റ്റാര്‍ട്ടപ്പായ ഹാര്‍ട്ട് എയ്റോസ്പേസിന്റെ 30 പേര്‍ക്ക് യാത്ര ചെയ്യാവുന്ന ഇ എസ്-30 മോഡലായിരിക്കും ആദ്യ വിമാനം. 2019 മുതല്‍ ഹാര്‍ട്ടിന്റെ വൈദ്യുത വിമാനത്തിന്റെ വികസനത്തെ സ്‌കാന്റിനേവിയന്‍ എയര്‍ലൈന്‍സ് പിന്തുണയ്ക്കുന്നുണ്ട്.
നാല് ഇലക്ട്രിക് മോട്ടോറുകളും 200 കിലോമീറ്റര്‍ മുഴുവന്‍ വൈദ്യുത ശ്രേണിയും നല്‍കുന്ന ബാറ്ററി സംവിധാനവുമാണ് ഊര്‍ജം പകരുന്നത്. ഇത് ഒരു ചെറിയ ദൂരമാണെന്ന് തോന്നുമെങ്കിലും ചെറിയ യാത്രകള്‍ക്ക് ഇത് അനുയോജ്യമാണ്. കൂടാതെ 2030-കളുടെ അവസാനത്തോടെ ഓള്‍-ഇലക്ട്രിക് ശ്രേണി ഇരട്ടിയാക്കാനും ഹാര്‍ട്ട് പദ്ധതിയിടുന്നു. ബാറ്ററിയെക്കുറിച്ചുള്ള വിശദാംശങ്ങളൊന്നും വെളിപ്പെടുത്തിയിട്ടില്ലെങ്കിലും മാര്‍ച്ചില്‍ 'ഇത്തരത്തിലുള്ള ആദ്യത്തെ' സംവിധാനം വികസിപ്പിക്കുന്നതിന് ഡിഫന്‍സ്, എയ്റോസ്പേസ് ലീഡറായ ബി. എ. ഇ. സിസ്റ്റംസുമായി ഹാര്‍ട്ട് പങ്കാളികളായി.
ടിക്കറ്റെടുക്കാന്‍ താത്പര്യമുള്ളവര്‍ക്ക് flysas.com/electric എന്ന ലിങ്കില്‍ കയറി സീറ്റ് ബുക്ക് ചെയ്യാവുന്നതാണ്. എന്നാല്‍ വിമാനം പുറപ്പെടുന്ന തിയ്യതിയോ സ്ഥലമോ രേഖപ്പെടുത്തിയിട്ടില്ല. ഈ വിശദാംശങ്ങള്‍ പിന്നീട് ഇ-മെയില്‍ ചെയ്യും.
