മലപ്പുറം - ഈത്തപ്പഴക്കുരു തൊണ്ടയില് കുരുങ്ങി ഒന്നര വയസുകാരന് മരിച്ചു. വേങ്ങര ചളിടവഴിയിലെ മണ്ടോടന് ഹംസക്കുട്ടിയുടെ മകന് മുഹമ്മദ് ഹുസൈര് ആണ് മരിച്ചത്. വീട്ടില് കളിച്ചുകൊണ്ടിരുന്ന കുട്ടി ഈത്തപ്പഴക്കുരു വായിലിട്ടപ്പോള് അത് തൊണ്ടയില് കുരുങ്ങുകയായിരുന്നു. ചെമ്മാട് സി കെ നഗറിലെ മാതാവിന്റെ വീട്ടില് വിരുന്ന് വന്നതായിരുന്നു കുട്ടിയും കുടുംബവും. കുട്ടിക്ക് ശ്വാസതടസ്സം നേരിട്ടതിനെ തുടര്ന്ന് തിരൂരങ്ങാടി താലൂക്ക് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. മാതാവ്: അനീസ. സഹോദരങ്ങള്: മുഹമ്മദ് അഹ്നഫ്, ഫാത്വിമ നസ.
