ന്യൂദല്ഹി - പുതിയ പാര്ലമെന്റ് മന്ദിരം പ്രധാനമന്ത്രിക്ക് പകരം രാഷ്ട്രപതി ഉദ്ഘാടനം ചെയ്യണമെന്ന് ആവശ്യപ്പെട്ടുള്ള ഹര്ജി സുപ്രിം കോടതി ഇന്ന് പരിഗണിക്കും. തമിഴ്നാട്ടില് നിന്നുള്ള അഭിഭാഷകനാണ് ഹര്ജി സമര്പ്പിച്ചത് . ഹര്ജി അടിയന്തരമായി പരിഗണിക്കണമെന്നും ആവശ്യപ്പെട്ടിട്ടുണ്ട്.
പ്രധാനമന്ത്രി നേരന്ദ്ര മോഡിപാര്ലമെന്റ് മന്ദിരം ഉദ്ഘാടനം ചെയ്യുമെന്നാണ് കേന്ദ്രസര്ക്കാര് അറിയിച്ചത്. ചടങ്ങുകളിലേക്ക് രാഷ്ട്രപതിയെ ക്ഷണിക്കാത്ത് ഭരണഘടന വിരുദ്ധമാണെന്നും ഹര്ജിയില് പറയുന്നു. പുതിയ പാര്ലമെന്റ് മന്ദിരം പ്രധാനമന്ത്രി ഉദ്ഘാടനം ചെയ്യുന്നതിനെതിരെ ശക്തമായ നിലപാടുമായി പ്രതിപക്ഷ കക്ഷികള് രംഗത്തെത്തിയിട്ടുണ്ട്. രാഷ്ട്രപതിയെ ചടങ്ങിലേക്ക് ക്ഷണിക്കാത്തതില് പ്രതിഷേധിച്ച് കോണ്ഗ്രസ് അടക്കമുള്ള പ്രതിപക്ഷ പാര്ട്ടികള് ചടങ്ങ് ബഹിഷ്കരിക്കാന് തീരുമാനിച്ചിട്ടുണ്ട്.