തിരുവനന്തപുരം- കേരളത്തില് ചൂടിന് ശമനമില്ല. ഈ ദിവസങ്ങളില് സംസ്ഥാനത്ത് സാധാരണയെക്കാള് 2 ഡിഗ്രി സെല്ഷ്യസ് മുതല് 4 ഡിഗ്രി സെല്ഷ്യസ് വരെ താപനില ഉയരാന് സാധ്യതയുണ്ട്. ഒറ്റപ്പെട്ടയിടങ്ങളില് ഇടിയോട് കൂടിയ മഴ കിട്ടും. പ്രത്യേകിച്ച് ഒരു ജില്ലയിലും മഴ മുന്നറിയിപ്പില്ല. അതേമയം, കാലവര്ഷം തെക്കന് ബംഗാള് ഉള്ക്കടലിലും ആന്ഡമാന് കടലിലും നിക്കോബാര് ദ്വീപ് സമൂഹങ്ങളിലും കൂടുതലിടങ്ങളിലേക്കും വ്യാപിക്കുകയാണ്.
സംസ്ഥാനത്ത് വേനല് ചൂട് കൂടുന്ന സാഹചര്യത്തില് സംസ്ഥാന ദുരന്ത നിവാരണ അതോറിറ്റി ജാഗ്രത നിര്ദേശം പുറപ്പെടുവിച്ചു. ഇത് പ്രകാരം പകല് സമയത്ത് ജനം വെയില് കൊള്ളുന്നത് ഒഴിവാക്കണം. പകല് 11 നും മൂന്ന് മണിക്കും ഇടയില് വെയില് കൊള്ളുന്നത് സൂര്യാഘാതമേല്ക്കാന് കാരണമായേക്കും എന്നതിനാലാണിത്.
