തിരുവനന്തപുരം- യു.ഡി.എഫിന്റെ സെക്രട്ടേറിയറ്റ് വളയല് പ്രതിഷേധത്തിനിടെ മുസ്ലിം ലീഗ് നേതാവ് എം.കെ. മുനീര് എം.എല്.എ കുഴഞ്ഞുവീണു. ആരോഗ്യനിലയില് ആശങ്കയില്ല.
വേദിയില് പ്രസംഗിക്കുന്നതിനിടെയാണ് അദ്ദേഹം കുഴഞ്ഞുവീണത്. ഉടന്തന്നെ വേദിയിലുണ്ടായിരുന്ന നേതാക്കള് അദ്ദേഹത്തെ താങ്ങിയെടുത്ത് കസേരയില് ഇരുത്തി.
ആശുപത്രിയില് കൊണ്ടുപോകേണ്ടതില്ലെന്ന് അദ്ദേഹം പറഞ്ഞതിനെ തുടര്ന്ന് കൊണ്ടുപോയില്ല. അല്പസമയം വിശ്രമിച്ച ശേഷം മുനീര് തിരിച്ചെത്തി പ്രസംഗം തുടര്ന്നു.
സി.പി. ജോണ് പ്രസംഗിച്ചതിന് പിന്നാലെയാണ് മുനീര് പ്രസംഗിക്കാന് എഴുന്നേറ്റത്. മൈക്കിനു മുന്നില് ഒന്ന് രണ്ടു വാക്കുകള് പറഞ്ഞതിനു പിന്നാലെ അദ്ദേഹം കുഴഞ്ഞുവീഴുകയായിരുന്നു.
