തിരുവനന്തപുരം- പള്ളിപ്പുറത്ത് ദേശീയ പാതയിലുണ്ടായ വാഹനാപകടത്തില് നവജാതശിശു അടക്കം മൂന്നുപേര് മരിച്ചു. ഓട്ടോയും ട്രാന്സ്പോര്ട്ട് ബസും കൂട്ടിയിടിച്ചാണ് അപകടം. മണമ്പൂര് സ്വദേശി മഹേഷിന്റെയും അനുവിന്റെയും നാല് ദിവസം പ്രായമായ പെണ്കുഞ്ഞ്, അനുവിന്റെ അമ്മ ശോഭ, ഓട്ടോ െ്രെഡവര് സുനില് എന്നിവരാണ് മരിച്ചത്.
അനുവിന്റെ പ്രസവശേഷം എസ്എടി ആശുപത്രിയില് നിന്ന് വീട്ടിലേക്ക് മടങ്ങുമ്പോഴായിരുന്നു ദാരുണമായ അപകടം. ഓട്ടോറിക്ഷയില് െ്രെഡവറുള്പ്പെടെ ആറുപേരാണ് ഉണ്ടായിരുന്നത്. അപകടത്തില് അനുവിനും ഭര്ത്താവ് മഹേഷിനും ഇവരുടെ അഞ്ചുവയസ്സുള്ള കുഞ്ഞിനും പരിക്കേറ്റു.
ഇടിയുടെ ആഘാതത്തില് മഹേഷും രണ്ടു കുട്ടികളും ഓട്ടോറിക്ഷയില്നിന്നു പുറത്തേക്കു തെറിച്ചുവീണു. ഓട്ടോെ്രെഡവര് സുനില് ബസിനും ഓട്ടോറിക്ഷയ്ക്കും ഇടയില് കുരുങ്ങിപ്പോയി. നാട്ടുകാരും ഫയര്ഫോഴ്സും ഏറെ പണിപ്പെട്ടാണ് െ്രെഡവറെ പുറത്തെടുത്തത്. പരിക്കേറ്റവരെ കഴക്കൂട്ടത്തെ സ്വകാര്യ ആശുപത്രിയിലാണ് ആദ്യമെത്തിച്ചത്. അപ്പോഴേക്കും നവജാതശിശു മരിച്ചിരുന്നു. തുടര്ന്ന് മറ്റുള്ളവരെ മെഡിക്കല് കോളേജ് ആശുപത്രിയില് പ്രവേശിപ്പിച്ചെങ്കിലും ഓട്ടോെ്രെഡവര് സുനിലും ശോഭയും മരിച്ചു.
