ദമാം- സി.ബി.എസ്.ഇ പത്താം ക്ലാസ് ഫലം പുറത്തു വന്നപ്പോൾ തുടർച്ചയായി പത്താം തവണയും മികച്ച വിജയം നേടി ദമാം അൽമുന ഇന്റർനാഷണൽ സ്‌കൂൾ. 97 ശതമാനം മാർക്കോടെ ഉസ്മാനി അരീബ് സ്‌കൂൾ ടോപ്പർ ആയി. സാനിയ അനീസ്, അബ്ദുൽ മുഹൈമിൻ, ഷെയ്ഖ് സാദുദ്ദീൻ ഹംസ, സയ്നാ ഇക്ബാൽ, സാലിമ അബ്ദുൽ റഹിമാൻ, മഷായിൽ കാജി, കാസി സയിനബ്, മുനാസ ബശാറത് എന്നിവർ ഉയർന്ന മാർക്കോടെ സ്‌കൂൾ മെഡലിസ്റ്റുകളായി.
55 ശതമാനം കുട്ടികളും ഡിസ്റ്റിംഗ്ഷനു മൂകളിൽ മാർക്ക് വാങ്ങി. പരീക്ഷ എഴുതിയ 86 ശതമാനം കുട്ടികളും ഫസ്റ്റ് ക്ലസ്സിനു മുകളിൽ മാർക്ക് നേടി ഉന്നത പഠനത്തിന് അർഹത നേടി. തുടർച്ചയായ പത്താം തവണയും കുട്ടികൾക്ക് ഉന്നത വിജയം ലഭ്യമാക്കാൻ സാധിച്ചതിന്റെ ആഹ്ലാദത്തിലാണ് സ്‌കൂൾ അതികൃധർ. ഉന്നത വിജയം നേടിയ വിദ്യാർഥികളെയും വിജയത്തിനായി പരിശ്രമിച്ച അധ്യാപകരെയും മാനേജിംഗ് ഡയറക്ടർ ഡോ. ടി.പി. മുഹമ്മദ്, പ്രിൻസിപ്പൽ നസ്സാർ സഹ്റാനി, വൈസ് പ്രിൻസിപ്പൽ ഖാദർ മാസ്റ്റർ, പ്രധാനാധ്യാപകരായ പ്രദീപ് കുമാർ, വസുധ അഭയ്, പരീക്ഷാ കൺട്രോളർ നിഷാദ് എന്നിവർ അഭിനന്ദിച്ചു. ഉന്നത വിജയികൾക്കുള്ള അവാർഡുകൾ ശനിയാഴ്ച വിതരണം ചെയ്യുമെന്ന് സ്‌കൂൾ അധികൃതർ അറിയിച്ചു.
