തിരുവനന്തപുരം - കൊട്ടാരക്കരയില് വനിതാ ഡോക്ടര് കൊല്ലപ്പെട്ടതിനെ തുടര്ന്ന് ആരോഗ്യ പ്രവര്ത്തകരുടെ സുരക്ഷ ഉറപ്പാക്കുന്നതുമായി ബന്ധപ്പെട്ട് മുഖ്യമന്ത്രി അടിയന്തര യോഗം വിളിച്ചു. നിയമ നിര്മ്മാണം അടക്കമുള്ള വിഷയങ്ങള് യോഗത്തില് ചര്ച്ച ചെയ്യുമെന്നാണ് വിവരം. ഇന്ന് ഉച്ച കഴിഞ്ഞ് മൂന്നരയ്ക്ക് മുഖ്യമന്ത്രിയുടെ കോണ്ഫറന്സ് ഹാളില് ആണ് യോഗം ചേരുന്നത്. ആരോഗ്യ വകുപ്പ് മന്ത്രി, ചീഫ് സെക്രട്ടറി, ആഭ്യന്തരസെക്രട്ടറി, ആരോഗ്യ വകുപ്പ് സെക്രട്ടറി, നിയമ സെക്രട്ടറി, മെഡിക്കല് വിദ്യാഭ്യാസ ഡയറക്ടര്, സംസ്ഥാന പോലീസ് മേധാവി, എ ഡി ജി പിമാര്, ബന്ധപ്പെട്ട മറ്റ് വകുപ്പ് തലവന്മാര് എന്നിവര് അടിയന്തിര യോഗത്തില് പങ്കെടുക്കുന്നുണ്ട്.
