ന്യൂദല്ഹി - മത വിദ്വേഷം പ്രചരിപ്പിക്കുന്ന ദി കേരള സ്റ്റോറി സിനിമയുടെ പ്രദര്ശനം തടയണമെന്ന് ആവശ്യപ്പെട്ട് നല്കിയ ഹര്ജിയില് അടിയന്തരമായി ഇടപെടാന് സുപ്രീം കോടതി വിസമ്മതിച്ചു. സിനിമ വിദ്വേഷ പ്രസംഗത്തിന്റെ ഭാഗമാണെന്ന ഹര്ജിക്കാരന്റെ വാദം കോടതി അംഗീകരിച്ചില്ല. വിദ്വേഷ പ്രസംഗങ്ങളുടെ കൂടെ സിനിമയെ ചേര്ക്കാനാവില്ലെന്നാണ് സുപ്രീം കോടതി അഭിപ്രായപ്പെട്ടത്. ആവശ്യമെങ്കില് സെന്സര് ബോര്ഡ് അനുമതിക്കെതിരെ ഹൈക്കോടതിയില് പോകാന് സുപ്രീംകോടതി ഹര്ജിക്കാരനോട് നിര്ദ്ദേശിച്ചു. സിനിമ ഈയാഴ്ച റിലീസ് ചെയ്യാനിരിക്കെ ഹര്ജി അടിയന്തരമായി പരിഗണിക്കമെന്നായിരുന്നു ഹര്ജിക്കാരന്റെ ആവശ്യം
