തിരുവനന്തപുരം - കേരളത്തിന് അനുവദിച്ച വന്ദേഭാരത് ട്രെയിന് തിരുവനന്തപുരം റെയില്വേ സോണ് അധികൃതര്ക്ക് കൈമാറി. ഇന്നോ നാളെയോ ട്രെയിന് തിരുവനന്തപുരത്ത് എത്തും. തിരുവനന്തപുരം റെയില്വേ അധികൃതര് ചെന്നൈ വില്ലിവാക്കത്ത് നിന്ന് ട്രെയിന് എറ്റെടുത്തു. ട്രാക്ക് ക്ലിയറന്സ് കിട്ടുന്നതിന് അനുസരിച്ച് എഗ്മോര് -നാഗര്കോവില് വഴി കേരളത്തിലേക്ക് കൊണ്ടുവരും.16 കാറുകളുള്ള രണ്ട് റേക്കുകളാണ് ദക്ഷിണ റെയില്വേ കേരളത്തിന് കൈമാറിയത്. തിരുവനന്തപുരം മുതല് കണ്ണൂര് വരെ സര്വ്വീസ് നടത്തുന്ന വന്ദേഭാരത് ട്രെയിന് ഏപ്രില് 22 ന് കേരളത്തില് പരീക്ഷണ ഓട്ടം നടത്തും. ' യുവം ' പരിപാടി ഉദ്ഘാടനം ചെയ്യാനായി കൊച്ചിയിലെത്തുന്ന പ്രധാനമന്ത്രി നരേന്ദ്ര മോഡി ഏപ്രില് 25 ന് വന്ദേഭാരത് എക്സ്പ്രസിന്റെ ഫ്ളാഗ് ഓഫ് നിര്വ്വഹിക്കുമെന്നാണ് ഇപ്പോള് ലഭ്യമാകുന്ന വിവരം. തിരുവനന്തപുരം മുതല് കണ്ണൂര് വരെയാണ് വന്ദേഭാരത് സര്വ്വീസ് നടത്തുകയെങ്കിലും ആദ്യ ഘട്ടത്തില് ഷൊര്ണ്ണൂര് വരെയാകും ഓട്ടം.
