മലപ്പുറം-ദുബായില് നിന്ന് പാര്സലായി പോസ്റ്റ് ഓഫീസ് വഴി കടത്താന് ശ്രമിച്ച സ്വര്ണം മലപ്പുറത്തെ മൂന്നിയൂരില് ഡി ആര് ഐ സംഘം പിടിച്ചെടുത്തു. 6.300കിലോ സ്വര്ണമാണ് പോസ്റ്റ് ഓഫീസ് വഴിയാണ് കടത്താന് ശ്രമിച്ചത്. തേപ്പു പെട്ടി ഉള്പ്പെടെ ഉള്ള ഇലക്ട്രോണിക് ഉപകരണങ്ങളുടെ ഉള്ളില് ഒളിപ്പിച്ചാണ് സ്വര്ണം കടത്തിയത്. സംഭവത്തില് അറസ്റ്റിലായവരുടെ എണ്ണം ആറായി. കോഴിക്കോട് സ്വദേശി ഷിഹാബ്, കുന്നമംഗലം സ്വദേശി ജസീല്, മൂന്നിയൂര് സ്വദേശി ആസ്യ, മലപ്പുറം സ്വദേശികളായ യാസിര്, റനീഷ്, റൗഫ് എന്നിവരാണ് അറസ്റ്റിലായത്. കൊച്ചിയില് നിന്ന് കസ്റ്റംസ് പരിശോധന കഴിഞ്ഞെത്തിയ പാര്സലുകളില് നിന്നാണ് സ്വര്ണം കണ്ടെത്തിയത്. കസ്റ്റംസ് ഉദ്യോഗസ്ഥരുടെ ഒത്താശയോടെയാണോ സ്വര്ണം കടത്തിയതെന്ന് സംശയമുണ്ട്. കസ്റ്റംസ് ഉദ്യോഗസ്ഥരുടെ പങ്കും ഡി ആര് ഐ അന്വേഷിക്കുകയാണ്.
