ലഖ്‌നൗ- കഴുതപ്പാല്‍ ഉപയോഗിച്ചുണ്ടാക്കുന്ന സോപ്പുകള്‍ സ്ത്രീകളുടെ ശരീരത്തെ എക്കാലവും സുന്ദരമാക്കുമെന്ന് എം.പിയും മുന്‍ കേന്ദ്രമന്ത്രിയുമായ മനേക ഗാന്ധി. വിഖ്യാത രാജ്ഞിയായിരുന്ന ക്ലിയോപാട്ര കഴുതപ്പാലില്‍ കുളിക്കുമായിരുന്നുവെന്നും അവര്‍ യുപിയിലെ ബാല്‍ദിരായില്‍ ഒരു സമ്മേളനത്തെ അഭിസംബോധന ചെയ്തുകൊണ്ട് പറഞ്ഞു. മനേക ഗാന്ധിയുടെ പ്രസംഗം സോഷ്യല്‍ മീഡിയയില്‍ വൈറലായിട്ടുണ്ട്.
വളരെ പ്രശസ്തയായ രാജ്ഞിയായിരുന്ന ക്ലിയോപാട്ര കഴുതപ്പാലില്‍ കുളിക്കുമായിരുന്നു. കഴുതപ്പാല്‍ കൊണ്ട് നിര്‍മ്മിച്ച സോപ്പുകള്‍ക്ക് ദല്‍ഹിയില്‍ 500 രൂപ വിലയുണ്ട്. കഴുതപ്പാലിനൊപ്പം എന്തുകൊണ്ട് നമുക്ക് ആട്ടിന്‍പാല്‍ ഉപയോഗിച്ച് സോപ്പ് നിര്‍മ്മിച്ചുകൂടായെന്ന് മുന്‍ മന്ത്രി ചോദിച്ചു.
നിങ്ങള്‍ ഒരു കഴുതയെ കണ്ടിട്ട് എത്ര നാളായി? അവരുടെ എണ്ണം കുറയുകയാണ്. അലക്കുകാരും കഴുതകളെ ഉപയോഗിക്കുന്നത് നിര്‍ത്തി. കഴുതകളുടെ എണ്ണം കുറയുന്നത് ശ്രദ്ധയില്‍പ്പെട്ട ലഡാക്കിലുള്ളവരാണ് കഴുതകളെ കറക്കാന്‍ തുടങ്ങിയത്. അതിന്റെ പാല്‍ സോപ്പ് ഉണ്ടാക്കാന്‍ ഉപയോഗിച്ചു. കഴുതപ്പാല്‍ ഉപയോഗിച്ചുണ്ടാക്കുന്ന സോപ്പുകള്‍ സ്ത്രീയുടെ ശരീരത്തെ എക്കാലവും സുന്ദരമാക്കി നിലനിര്‍ത്തും-മനേക ഗാന്ധി പറഞ്ഞു.
കൂടുതല് വായിക്കുക
ഈ വിഭാഗത്തിൽ പോസ്റ്റ് ചെയ്ത അനുബന്ധ ലേഖനങ്ങൾ അടങ്ങിയിരിക്കുന്നു (Related Nodes field)
