ആലപ്പുഴ- ഡ്യൂട്ടിക്കിടെ എസ്.ഐയെ പട്ടിയെ വിട്ട് കടിപ്പിക്കാന് ശ്രമിച്ച യുവാവ് അറസ്റ്റില്.
ചെങ്ങന്നൂര് മുളക്കുഴ മണ്ണത്തുംചേരില് ശരത് (32) ആണ് അറസ്റ്റിലായത്. കഴിഞ്ഞ ദിവസം ഉച്ചയ്ക്ക് 2.30 ഓടെയാണ് സംഭവം. ശരത്തിനെതിരെ അയല്വാസി നല്കിയ പരാതി അന്വേഷിക്കാനാണ് ചെങ്ങന്നൂര് എസ്.ഐ എം.സി അഭിലാഷ്, പോലീസുകാരായ ശ്യാം, അനീഷ് എന്നിവര്ക്കൊപ്പം മുളക്കുഴയില് എത്തിയത്.
വീടിനു മുന്വശത്തെത്തിയ ഇവര്ക്കെതിരെ ഭീഷണി മുഴക്കുകയും കൂട്ടില് കിടന്ന പട്ടിയെ തുറന്ന് വിട്ട് കടിപ്പിക്കാന് ശ്രമിച്ച കേസിലാണ് അറസ്റ്റിലായത്. നായയെ തുറന്നു വിട്ടതിനെ തൂടര്ന്ന് പോലീസ് ഒച്ചയുണ്ടാക്കി നായയെ കൂട്ടില് കയറ്റുകയും ഇയാളെ കസ്റ്റഡിയിലെടുക്കുകയുമായിരുന്നു.
ഔദ്യോഗിക ഡ്യൂട്ടി തടസ്സപ്പെടുത്തി പോലീസ് സംഘത്തെ ഉപദ്രവമേല്പ്പിക്കുന്നതിനാണ് ഇയാള് ശ്രമിച്ചതെന്ന് പോലീസ് പറഞ്ഞു. കോടതിയില് ഹാജരാക്കിയ ഇയാളെ റിമാന്ഡ് ചെയ്തു.
