തൃശൂര് : സോഷ്യല് മീഡിയ വഴി പരിചയപ്പെട്ട പ്രായപൂര്ത്തിയാകാത്ത പെണ്കുട്ടിയെ പീഡിപ്പിച്ച ശേഷം ദൃശ്യങ്ങള് പ്രചരിപ്പിക്കുകയും ഭീഷണിപ്പെടുത്തുകയും ചെയ്ത കേസില് യുവാവ് അറസ്റ്റില്. അന്നക്കര സ്വദേശി കുരിയക്കോട്ട് വീട്ടില് അഭിഷേകിനെയാണ് (22) കുന്നംകുളം പൊലീസ് അറസ്റ്റ് ചെയ്തത്. ഇരുവരും പ്രണയത്തിലായെങ്കിലും അഭിഷേക് ശാരീരികമായി ഉപദ്രവിക്കാന് തുടങ്ങിയതോടെ പെണ്കുട്ടി ബന്ധത്തില് നിന്ന് പിന്മാറി. എന്നാല് പിന്നീട് അഭിഷേക് വീട്ടില് അതിക്രമിച്ച് കയറി പെണ്കുട്ടിക്ക് നേരെ ലൈംഗികാതിക്രമം നടത്തുകയും ദൃശ്യങ്ങളെടുത്ത് ഭീഷണിപ്പെടുത്തുകയും ചെയ്തെന്നാണ് പരാതി. പ്രതിയെ കോടതിയില് ഹാജരാക്കി റിമാന്റു ചെയ്തു.
