ന്യൂദൽഹി- അമേരിക്കയിൽ വീശിയടിച്ച ചുഴലിക്കാറ്റിൽ മരിച്ചവരുടെ എണ്ണം 23-ആയി. മിസിസിപ്പി നഗരങ്ങളിൽ വീശിയടിച്ച ചുഴലിക്കാറ്റിന്റെ ഇരകൾക്ക് അടിയന്തര സഹായം നൽകുമെന്ന് യു.എസ് പ്രസിഡന്റ് ജോ ബൈഡൻ വ്യക്തമാക്കി. മരണസംഖ്യ ഉയരാൻ സാധ്യതയുണ്ടെന്ന് എമർജൻസി മാനേജ്‌മെന്റ് ബോഡി മുന്നറിയിപ്പ് നൽകി. മിസിസിപ്പിയിലുടനീളമുള്ള ചിത്രങ്ങൾ ഹൃദയഭേദകമാണെന്ന് മിസ്റ്റർ ബൈഡൻ പ്രസ്താവനയിൽ പറഞ്ഞു. ഞങ്ങൾ സഹായിക്കാൻ കഴിയുന്നതെല്ലാം ചെയ്യും. എത്ര സമയമെടുത്താലും ഞങ്ങൾ അവിടെ ഉണ്ടാകുമെന്നും ബൈഡൻ വ്യക്തമാക്കി. നിരവധി നഗരങ്ങളെ കൊടുങ്കാറ്റ് തകർത്തു.
