ന്യൂദല്ഹി- ഇന്ത്യന് റയില്വേ ട്രെയിനില് എ. സി. 3 ടയര് ക്ലാസില് ടിക്കറ്റ് ബുക്ക് ചെയ്യുന്നതിനുള്ള ചാര്ജില് പുന:ക്രമീകരണം വരുത്തി. നേരത്തെ റെയില്വേ എ. സി 3 ടയര് ഇക്കണോമി ക്ലാസിലെ യാത്രക്കാര്ക്ക് ലിനന് പുതപ്പുകള് അനുവദിച്ചിരുന്നില്ല. എന്നാല് പിന്നീട് ലിനന് പുതപ്പുകള് കൂടി അനുവദിച്ചതോടെ ടിക്കറ്റ് നിരക്കില് വര്ധനവും വരുത്തി. ഈ വര്ധനവിലാണ് കുറവ് വരുത്തിയിരിക്കുന്നത്. ഇനി ലിനന് പുതപ്പ് അനുവദിക്കും. അതോടൊപ്പം പഴയ നിരക്കില് യാത്രയും ചെയ്യാം.
എ. സി. 3 ടയര് ഇക്കോണമി ക്ലാസ് ടിക്കറ്റിന്റെ നിരക്കും എ. സി. 3 ടയര് ടിക്കറ്റ് നിരക്കും തുല്യമാക്കി സര്ക്കുലറും ഇറക്കിയിരുന്നു. പ്രസ്തുത സര്ക്കുലര് ഇപ്പോള് പിന്വലിച്ചു. പുതുക്കിയ ഉത്തരവ് പ്രകാരം നിലവില് ഓണ്ലൈനായും കൗണ്ടറിലൂടെയും ടിക്കറ്റ് ബുക്ക് ചെയ്ത യാത്രക്കാര്ക്ക് മുന്കൂട്ടി ബുക്ക് ചെയ്ത ടിക്കറ്റിന്റെ അധിക തുക തിരികെ നല്കുമെന്ന് അറിയിച്ചു.