കോഴിക്കോട് : വ്യവസായി ഫാരിസ് അബൂബക്കറിന്റെ വീട്ടിലും സ്ഥാപനങ്ങളിലും ഇന്കം ടാക്സ് ഇന്വസ്റ്റിഗേഷന് വിഭാഗം റെയ്ഡ് നടത്തുന്നു. വിവിധ സാമ്പത്തിക ഇടപാടുകളെ സംബന്ധിച്ച വിവരങ്ങള് തേടിയാണ് റെയ്ഡ്. രാവിലെ മുതലാണ് റെയ്ഡ് തുടങ്ങിയത്. കൊച്ചി, ചെന്നെ, കൊയിലാണ്ടി തുടങ്ങിയ ഇടങ്ങളിലുള്ള വീടുകളിലും ഓഫീസുകളിലുമാണ് റെയ്ഡ്. അതോടൊപ്പം ശോഭാ ഡവലപ്പഴ്സിന്റെ കൊച്ചി, തൃശൂര് ഓഫീസുകളിലും റെയ്ഡ് നടക്കുന്നുവെന്നാണ് വിവരം.
