കോട്ടയം- ബ്രഹ്മപുരം ആരോപണവുമായി ബന്ധപ്പെട്ട് ടോണി ചമ്മിണിക്കെതിരെ വൈക്കം വിശ്വന്‍ വക്കീല്‍ നോട്ടിസയച്ചു. വൈക്കം വിശ്വന്റെ മരുമകന്‍ രാഷ്ട്രീയ സ്വാധീനം ഉപയോഗിച്ചു തന്റെ കമ്പനിക്ക് ബ്രഹ്മപുരത്ത് ബയോ മൈനിംഗിന് അവകാശം നേടി എന്നായിരുന്നു ആരോപണം. ആരോപണത്തിന് യാതൊരു അടിസ്ഥാനവുമില്ലെന്നും സത്യവിരുദ്ധമായ സംഗതി മനഃപൂര്‍വ്വം മാധ്യമങ്ങളിലൂടെ പ്രചരിപ്പിക്കുകയാണെന്നും കാട്ടിയാണു മാനനഷ്ടക്കേസ്. ഇതു തന്റെ രാഷ്ട്രീയ ജീവിതത്തില്‍ കരിനിഴല്‍ വീഴത്തുന്നതും സ്വഭാവഹത്യ ചെയ്യുന്നതുമാണെന്നും വൈക്കം വിശ്വന്‍ പറയുന്നു.
