ജിദ്ദ- സൗദിയുടെ വിവിധ ഭാഗങ്ങളിൽ ഇന്ന് രാവിലെ മുതൽ മഴ രേഖപ്പെടുത്തി. മക്ക, മദീന, അബഹ എന്നിവടങ്ങളിൽ മഴ രേഖപ്പെടുത്തി. കാലാവസ്ഥ പ്രതികൂലമായേക്കുമെന്ന മുന്നറിയിപ്പിനെ തുടർന്ന് ഇന്ന് ജിദ്ദ, മക്ക, മദീന, അൽബാഹ തുടങ്ങിയ സ്ഥലങ്ങളിൽ വിദ്യാലയങ്ങൾക്ക് അവധി പ്രഖ്യാപിച്ചിരുന്നു. രാവിലെ തന്നെ ചില ഭാഗങ്ങളിൽ കനത്ത മഴ രേഖപ്പെടുത്തി.
പൊടി നിറഞ്ഞ ഉപരിതല കാറ്റിന്റെ പ്രവർത്തനത്തോടൊപ്പം പേമാരിയ്ക്കും ആലിപ്പഴ വർഷവും ഉണ്ടായേക്കുമെന്നും ഇടിമിന്നലിനും സാധ്യതയുണ്ടാകുമെന്നും കാലാവസ്ഥ നിരീക്ഷണ വകുപ്പുമായി ബന്ധപ്പെട്ട് മലയാളം ന്യൂസ് സ്ഥിരീകരിച്ചു.
നജ്റാൻ, ജിസാൻ, അസീർ, അൽ-ബഹ, മക്ക അൽ മുഖറമ, അൽ-മദീന എന്നീ പ്രദേശങ്ങളുടെ ഭാഗങ്ങളും തബൂക്ക്, അൽ-ജൗഫ്, വടക്കൻ അതിർത്തികൾ, ഭാഗങ്ങളുടെ ഭാഗങ്ങൾ എന്നിവടങ്ങളിലും മഴ ഉണ്ടായേക്കുമെന്ന് കാലാവസ്ഥ വകുപ്പ് അറിയിച്ചു. ഹായിൽ, അൽ ഖസീം, റിയാദ്, അൽ-ഷർഖിയ എന്നീ പ്രദേശങ്ങളിലും മഴക്ക് സാധ്യതയുണ്ട്.
നിരവധി നഗരങ്ങളിൽ പ്രതീക്ഷിക്കുന്ന താപനില ഇപ്രകാരമായിരിക്കും.(മക്ക- 28 ഡിഗ്രി, മദീനയിലും ജിദ്ദയിലും 29 ഡിഗ്രി, റിയാദിലും ദമ്മാമിലും 26 ഡിഗ്രി, അബഹയിൽ 20 ഡിഗ്രി).
