തിരുവനന്തപുരം : തിരുവനന്തപുരം ജില്ലയിലെ പാലോടില് മൊബൈല് ഫോണിന് വേണ്ടി സഹോദരനുമായി വഴക്കുണ്ടായതിനെ തുടര്ന്ന് 12 വയസുകാരിയെ തൂങ്ങിമരിച്ച നിലയില് കണ്ടെത്തി. നന്ദിയോട് ബി ആര് എം എച്ച് എസിലെ എട്ടാം ക്ലാസുകാരി അശ്വതിയാണ് മരിച്ചത്. പാലോട് താന്നിമൂട് സ്വദേശിയാണ്. മൊബൈല് ഫോണിനുവേണ്ടി സഹോദരനോട് വഴക്കിട്ട അശ്വതി മുറിയില് കയറി വാതിലടയ്ക്കുകയായിരുന്നു. ഒരു മണിക്കൂര് കഴിഞ്ഞിട്ടും വാതില് തുറക്കാതെ വന്നതോടെ വീട്ടുകാര് വാതില് തുറന്ന് അകത്തുകയറിയപ്പോഴാണ് മുറിയിലെ ജനല് കമ്പിയില് തൂങ്ങിയ നിലയില് കണ്ടെത്തിയത്. ഉടന് തന്നെ ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല.
