റിയാദ്- സൗദി അറേബ്യന്‍ എയര്‍ലൈന്‍സിന്റെ (സൗദിയ) മുഴുവന്‍ ആഭ്യന്തര, അന്താരാഷ്ട്ര സര്‍വീസുകളിലും യാത്രക്കാര്‍ക്ക് സൗജന്യമായി വാട്‌സ്ആപ്പ് ഉപയോഗിക്കുന്നതിന് അവസരം. മെയ് 31 മുതല്‍ ഇത് നിലവില്‍വന്നു. ആദ്യ ഘട്ടത്തില്‍ പരീക്ഷണാടിസ്ഥാനത്തില്‍ ആഭ്യന്തര സര്‍വീസുകളിലും തെരഞ്ഞെടുത്ത ചില അന്താരാഷ്ട്ര സര്‍വീസുകളിലുമാണ് കമ്പനി ഈ സേവനം നടപ്പാക്കിയത്. ഇത് വിജയകരമാണെന്ന് കണ്ടെത്തിയ പശ്ചാത്തലത്തിലാണ് മുഴുവന്‍ സര്‍വീസുകളിലേക്കും സേവനം വ്യാപിപ്പിച്ചത്. വാട്‌സ്ആപ്പ് ഓണ്‍ ആക്കിയാല്‍ തന്നെ ഓട്ടോമാറ്റിക് ആയി കണക്ഷനുമായി ബന്ധിക്കപ്പെടും. ഇതിന് പ്രത്യേക കോഡോ സെറ്റിംഗ്‌സില്‍ മാറ്റം വരുത്തുകയോ വേണ്ടതില്ല.
