തിരുവനന്തപുരം - സംസ്ഥാന സര്ക്കാര് വീണ്ടും ഹെലികോപ്റ്റര് വാടകക്കെടുക്കാന് തീരുമാനിച്ചു. ഇതിനായി പുതിയ കമ്പനിയുമായി കരാറിലെത്താന് ഇന്ന് ചേര്ന്ന മന്ത്രിസഭാ യോഗം അനുമതി നല്കി.
സംസ്ഥാനത്തിന്റെ വിവിധ ആവശ്യങ്ങള്ക്കായി എടുത്തിരുന്ന ഹെലികോപ്റ്ററിന്റെ സേവന കാലാവധി അവസാനിച്ചതിനെത്തുടര്ന്ന് മത്സരാധിഷ്ഠിത ലേലത്തിലൂടെ വെറ്റ് ലീസ് വ്യവസ്ഥയില് പുതിയ കമ്പനിയുമായി കരാറില് ഏര്പ്പെടാന് തീരുമാനിച്ചുവെന്നാണ് അറിയിച്ചിരിക്കുന്നത്.
കേരള സോഷ്യല് സെക്യൂരിറ്റി പെന്ഷന് ലിമിറ്റഡിന് 6000 കോടി രൂപയുടെ സര്ക്കാര് ഗ്യാരണ്ടി അനുവദിക്കാനും മന്ത്രിസഭാ യോഗം അനുമതി നല്കി. 4200 കോടി രൂപ 12.01.2023 വരെ കമ്പനി പുതുതായി എടുത്തതോ പുതുക്കിയതോ ആയ വായ്പകള്ക്കും ശേഷിക്കുന്ന 1800 കോടി രൂപ കമ്പനി പുതുതായി ലഭ്യമാക്കുന്നതോ, പുതുക്കുന്നതോ ആയ വായ്പകള്ക്കുള്ള ബ്ലാങ്കറ്റ് ഗ്യാരണ്ടിയുമാണ്.
