പത്തനംതിട്ട- വീട് വാടകയ്ക്കെടുത്ത് വ്യാജനോട്ട് അച്ചടിച്ച പ്രതിക്കായി തിരച്ചില്. അടൂര് ഏഴംകുളം പ്ലാന്റേഷന് മുക്കിലുള്ള തുവാന് റാവുത്തറുടെ വീട്ടില് നിന്നുമാണ് കള്ളനോട്ടുകള് കണ്ടെത്തിയത്. ആറ് മാസം മുന്പ് വീട് വാടകയ്ക്കെടുത്ത പത്തനാപുരം സ്വദേശി ആസിഫിനായി പോലീസ് അന്വേഷണം ആരംഭിച്ചു.
തുവാന് റാവുത്തറിന്റെ വീട്ടിന്റെ മുകള് നില വാടകയ്ക്കെടുത്ത ശേഷം പ്രതി പ്രിന്റിംഗ് മെഷീന് ഉപയോഗിച്ചാണ് കള്ളനോട്ടുകള് നിര്മ്മിച്ചത്. ബുക്ക് പ്രിന്റിംഗ് ബിസിനസ് ചെയ്യുന്നുവെന്ന് പറഞ്ഞാണ് ആസിഫ് വീട് വാടയ്ക്കെടുത്തത്. എന്നാല് ഒന്നരമാസം മാത്രമാണ് ഇയാള് ഏഴംകുളത്തെ വീട്ടില് താമസിച്ചത്. ഇയാളെ കാണാതിരുന്നതിനെ തുടര്ന്ന് കഴിഞ്ഞ ദിവസം ഉടമസ്ഥന് നടത്തിയ പരിശോധനയിലാണ് വ്യാജ നോട്ടുകള് കണ്ടെത്തിയത്. 2000, 500, 100 തുടങ്ങിയ നോട്ടകളുടെ നൂറിലധികം പ്രിന്റുകള് പോലീസ് ഇയാള് താമസിച്ചിരുന്ന മുറികളില് നിന്നും പിടിച്ചെടുത്തിട്ടുണ്ട്. സംഭവത്തില് കേസ് എടുത്ത് അന്വേഷണം ആരംഭിച്ചെങ്കിലും മാസങ്ങളായി ആസിഫ് ഒളിവിലാമെന്നാണ് അടൂര് പോലീസ് അറിയിച്ചത്.
