ബംഗളൂരു- വിവാഹം കഴിക്കാമെന്ന് മുദ്രപത്രത്തില് ഒപ്പിട്ട് നല്കിയ ശേഷം കോളേജ് വിദ്യാര്ഥിനിയെ പോലീസ് ഉദ്യോഗസ്ഥന് പീഡിപ്പിച്ചതായി പരാതി. ബെലഗാവി പോലീസ് കമ്മിഷണര് ഓഫീസിലെ വയര്ലെസ് വിഭാഗം സബ് ഇന്സ്പെക്ടര് ലാല്സാബ് അല്ലിസാബ് നദാഫിനെതിരെയാണ്(28) പരാതി. വിവാഹം കഴിക്കുമെന്ന് സ്റ്റാമ്പ് പേപ്പറില് എഴുതി ഒപ്പിട്ടുനല്കിയശേഷം ബെലഗാവിയിലെ ഗസ്റ്റ്ഹൗസുകളിലും ലോഡ്ജുകളിലുമെത്തിച്ച് പീഡിപ്പിച്ചതായും പരാതിയില് പറയുന്നു. ഫേസ്ബുക്ക് വഴിയാണ് പോലീസ് ഉദ്യോഗസ്ഥനുമായി യുവതി അടുപ്പത്തിലാവുന്നത്.
അടുത്തിടെ ഇയാള് മറ്റൊരു യുവതിയെ വിവാഹം ചെയ്തു. ഇക്കാര്യം അറിഞ്ഞതോടെയാണ് പെണ്കുട്ടി പോലീസില് പരാതി നല്കിയത്. യുവതിയുടെ പരാതിയില് അന്വേഷണം നടത്തിവരികയാണെന്ന് പോലീസ് അറിയിച്ചു.
