മലപ്പുറം: പോക്സോ കേസില് ജാമ്യത്തിലിറങ്ങിയ പ്രതി ഇരയുടെ കൂട്ടുകാരിയെ പീഡിപ്പിച്ചതിന് വീണ്ടും അറസ്റ്റിലായി. വെട്ടത്തൂര് തേലക്കാട് സ്വദേശി പാണംപുഴി ഹൗസില് മുബഷീറിനെ(22) യാണ് മേലാറ്റൂര് പൊലീസ് അറസ്റ്റുചെയ്തത്. സോഷ്യല് മീഡിയ വഴി പരിചയപ്പെട്ട പ്ലസ് ടു വിദ്യാര്ത്ഥിനിയായ 16 കാരിയെ ലൈംഗികമായി ചൂഷണംചെയ്ത സംഭവത്തിലാണ് അറസ്റ്റ്.
പെണ്കുട്ടിയെ പ്രണയംനടിച്ച് കൂട്ടിക്കൊണ്ടുപോയി ലൈംഗികമായി ചൂഷണം ചെയ്യുകയായിരുന്നു. ഈ വിവരം പെണ്കുട്ടി സ്കൂളില് അധ്യാപകരെ അറിയിച്ചതോടെയാണ് പുറത്തറിഞ്ഞത്. തുടര്ന്ന് രക്ഷിതാക്കള് മുഖേന പൊലീസില് പരാതി നല്കി. രണ്ടാഴ്ചയ്ക്കിടെയാണ് സംഭവം.
വര്ക്ക് ഷോപ്പ് ജീവനക്കാരനായ മുബഷീര് കഴിഞ്ഞ വര്ഷം ജനുവരിയില് പരാതിക്കാരിയുടെ കൂട്ടുകാരിയെ പീഡിപ്പിച്ച കേസില് അറസ്റ്റിലായിരുന്നു. പിന്നീട് ജാമ്യത്തിലിറങ്ങി. പെരിന്തല്മണ്ണ കോടതിയില് ഹാജരാക്കിയ പ്രതിയെ റിന്ന്ഡ് ചെയ്തു.
കൂടുതല് വായിക്കുക
ഈ വിഭാഗത്തിൽ പോസ്റ്റ് ചെയ്ത അനുബന്ധ ലേഖനങ്ങൾ അടങ്ങിയിരിക്കുന്നു (Related Nodes field)
