മലപ്പുറം രാമപുരത്ത് മൂന്ന് പതിറ്റാണ്ടു മുമ്പ് ക്ലാസധ്യാപികയായിരുന്ന രാമസരസു ടീച്ചറെ കാണാനും അനുഗ്രഹം തേടാനും ആദ്യ ബാച്ചിലെ വിദ്യാർഥികളെത്തിയപ്പോൾ ആ അധ്യാപികയുടെ കണ്ണുകൾ നിറഞ്ഞു.
പുണർപ്പ വി.എം.എച്ച്.എം യു.പി സ്കൂളിലെ ആദ്യ ക്ലാസ്ബാച്ച് 1991-92, ആറ് - ഡി ക്ലാസിലെ നാൽപത്തി മൂന്ന് വിദ്യാർഥികളിലെ ഏതാനും പൂർവ വിദ്യാർഥികളാണ് ഒരു വട്ടം കൂടി അപൂർവമായ ഒത്തുകൂടലിന് വേദിയൊരുക്കി ടീച്ചറുടെ രാമപുരത്തെ അളകത്ത് വീട്ടിൽ സംഗമിച്ചതും പഴയ ഓർമകൾ പങ്കുവെച്ചതും. ചോക്ക് പൊടിയുടെയും സ്ലേറ്റിന്റെയുമെല്ലാം നിറമുള്ള സ്മരണകളിലക്ക് വിദ്യാർഥികളെ ഒരിക്കൽ കൂടി വിരുന്നൂട്ടുന്നതായിരുന്നു ഈ സംഗമം.
ഗുരുമുഖത്ത് നിന്ന് ലഭിച്ച നന്ദിയുടെയും സ്നേഹത്തിന്റെയും വികാരവായ്പോടെയാണ് പൂർവ വിദ്യാർഥികൾ സരസു ടീച്ചറോട് ഗുഡ്ബൈ പറഞ്ഞത്.