റിയാദ്- റാലി ദാക്കാര് മത്സരത്തിനിടെ മരുഭൂമിയിലെ മണലില് കുടുങ്ങിയ വാഹനത്തെ കല്ലുകള് നിരത്തി ഞൊടിയിടയില് രക്ഷപ്പെടുത്തിയ സൗദി യുവാക്കള് സമൂഹ മാധ്യമങ്ങളില് തരംഗമായി. മണലില് താഴ്ന്നു പോയ വാഹനം തങ്ങളുടെ കയ്യിലുള്ള ഉപകരണങ്ങളുമായി കുറെ സമയം ഡ്രൈവര്മാര് പുറത്തെടുക്കാന് ശ്രമിച്ചു. പക്ഷേ എത്ര ശ്രമിച്ചിട്ടും സാധിച്ചില്ല.
അതിനിടെ അതുവഴി വന്ന രണ്ടു സൗദി യുവാക്കള് ആദ്യം ടയറിനടുത്തുള്ള മണ്ണ് നീക്കി. പിന്നീട് ചെറിയ പാറക്കഷണങ്ങള് കൊണ്ടുവന്നു ടയറിന് താഴെ വെച്ചു വാഹനം തള്ളിക്കൊടുത്തു. അങ്ങനെ മണലില് നിന്ന് പുറത്തെടുത്തു. സൗദി യുവാക്കള് അറബിയിലും ഡ്രൈവര്മാര് ഇംഗ്ലീഷിലുമായിരുന്നു ആശയവിനിമയം നടത്തിയത്. യുവാക്കളുടെ സഹായമനോഭാവത്തിന് സാമൂഹിക മാധ്യമങ്ങളില് കയ്യടി നേടുകയാണ്.شباب سعوديون يفزعون لمتسابق في رالي دكار، بروح طيبة وابتسامة مُبهجة pic.twitter.com/kXNGQ8l6kj
— WHR (@whrumor) January 8, 2023
