തിരുവനന്തപുരം-കേരളത്തിലെ തെക്കന് ജില്ലകളില് ഇന്നും കനത്ത മഴയ്ക്ക് സാധ്യത. തെക്കന് കേരളത്തില് പരക്കെ മഴ ലഭിക്കുമെന്ന് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. ഒറ്റപ്പെട്ട കനത്ത മഴയ്ക്കും സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രത്തിന്റെ പ്രവചനത്തിലുണ്ട്. കന്യാകുമാരിക്കും ലക്ഷദ്വീപിനും മധ്യത്തില് സ്ഥിതി ചെയ്യുന്ന തീവ്ര ന്യൂനമര്ദത്തിന്റെ സ്വാധീനത്തില് തിരുവനന്തപുരം മുതല് ഇടുക്കി വരെയുള്ള ജില്ലകളില് മഴ കിട്ടും. മണിക്കൂറില് 40 കിലോമീറ്റര് വരെ വേഗത്തില് കാറ്റിനും സാധ്യതയുണ്ട്. നാളെ വരെ മഴ തുടരുമെന്നും കാലാവസ്ഥാ വകുപ്പ് അറിയിച്ചു.
