റിയാദ് - അഴിമതിയും കൈക്കൂലിയും അധികാര ദുര്വിനിയോഗവും വ്യാജ രേഖാനിര്മാണവും പണംവെളുപ്പിക്കലുമായും ബന്ധപ്പെട്ട കേസുകളില് കഴിഞ്ഞ മാസം (ജുമാദാ അല്ഊല) 170 പേരെ അറസ്റ്റ് ചെയ്തതായി ഓവര്സൈറ്റ് ആന്റ് ആന്റി-കറപ്ഷന് അതോറിറ്റി അറിയിച്ചു. അഴിമതിയും കൈക്കൂലിയും അധികാര ദുര്വിനിയോഗവും വ്യാജ രേഖാനിര്മാണവും പണംവെളുപ്പിക്കലും സംശയിച്ച് കഴിഞ്ഞ മാസം 437 പേര്ക്കെതിരെയാണ് അതോറിറ്റി അന്വേഷണം നടത്തിയത്. ഇക്കൂട്ടത്തില് കുറ്റക്കാരാണെന്ന് തെളിഞ്ഞ 170 പേരെ അറസ്റ്റ് ചെയ്തു. ഇതില് ചിലരെ പിന്നീട് ജാമ്യത്തില് വിട്ടയച്ചു.
ആഭ്യന്തര, ആരോഗ്യ, വിദ്യാഭ്യാസ, മുനിസിപ്പല്, നീതിന്യായ, വാണിജ്യ, മാനവശേഷി മന്ത്രാല ഉദ്യോഗസ്ഥര് അറസ്റ്റിലായിട്ടുണ്ട്. അഴിമതിയും കൈക്കൂലിയും അധികാര ദുര്വിനിയോഗവും വ്യാജ രേഖാനിര്മാണവും പണംവെളുപ്പിക്കലും സംശയിക്കുന്ന കേസുകളെ കുറിച്ച് 980 എന്ന ടോള്ഫ്രീ നമ്പറില് ബന്ധപ്പെട്ടോ ഓവര്സൈറ്റ് ആന്റ് ആന്റി-കറപ്ഷന് അതോറിറ്റി വെബ്സൈറ്റ് വഴിയോ സ്വദേശികളും വിദേശികളും റിപ്പോര്ട്ട് ചെയ്യണമെന്ന് അതോറിറ്റി ആവശ്യപ്പെട്ടു.
