തിരുവനന്തപുരം- പ്രമുഖ പെന്സില് കമ്പനികളില് പാക്കിംഗ് ജോലി ചെയ്ത് വീട്ടിലിരുന്നു ലക്ഷങ്ങള് നേടാമെന്ന വാഗ്ദാനവുമായി സമൂഹമാധ്യമങ്ങളില് വരുന്ന പരസ്യം തട്ടിപ്പാണെന്ന് കേരള പോലീസിന്റെ മുന്നറിയിപ്പ്.
ഇത്തരം ജോലി വാഗ്ദാനം ചെയ്തുള്ള പരസ്യങ്ങളില് വിളിക്കേണ്ട മൊബൈല് നമ്പര് വരെ നല്കിയാണ് തട്ടിപ്പ്. പല പോസ്റ്റുകളിലും പല നമ്പറുകള് ആണ് കോണ്ടാക്റ്റ് നമ്പറായി കൊടുത്തിരിക്കുന്നത്. ഉയര്ന്ന ശമ്പളം പ്രതീക്ഷിച്ച് ജോലിക്ക് വേണ്ടി വാട്സാപ് നമ്പറില് ബന്ധപ്പെടുന്നവരോട് ഗൂഗിള് പേ വഴിയോ ഫോണ്പേ വഴിയോ രജിസ്ട്രേഷന് ഫീസ് ആവശ്യപ്പെടും. അടുത്ത പടി ഫോട്ടോ വാങ്ങി കമ്പനിയുടെതെന്ന രീതിയില് വ്യാജ തിരിച്ചറിയല് കാര്ഡ് അയച്ചുകൊടുക്കും. മേല്വിലാസം വെരിഫൈ ചെയ്യാനും കൊറിയര് ചാര്ജ്ജായി പണം ആവശ്യപ്പെട്ടാണ് തട്ടിപ്പ് നടത്തുന്നത്. നടരാജ് പെന്സിലിന്റെ പേരില് ജോലി വാഗ്ദാനം ചെയ്യുന്ന പോസ്റ്റുകള് തട്ടിപ്പാണെന്ന് കമ്പനി തന്നെ വ്യക്തമാക്കിയിട്ടുണ്ട്.
സാമ്പത്തിക തട്ടിപ്പിനിരയായാല് 1930 എന്ന ഹെല്പ് ലൈന് നമ്പറില് റിപ്പോര്ട്ട് ചെയ്യാവുന്നതാണെന്നും കേരള പോലീസ് അറയിപ്പില് പറയുന്നു.
