മക്ക - മക്ക പ്രവിശ്യയില് പെട്ട തുര്ബയില് അറസ്റ്റ് ചെയ്യാന് ശ്രമിച്ച സുരക്ഷാ സൈനികരെ ഭീഷണിപ്പെടുത്തുകയും ഇതിന്റെ ദൃശ്യങ്ങള് അടങ്ങിയ വീഡിയോ ചിത്രീകരിച്ച് സാമൂഹികമാധ്യമങ്ങളിലൂടെ പ്രചരിപ്പിക്കുകയും ചെയ്ത യുവാവിനെ അറസ്റ്റ് ചെയ്തതായി മക്ക പ്രവിശ്യ പോലീസ് അറിയിച്ചു. നിരവധി കേസുകളില് പ്രതിയായ യുവാവിനെ അറസ്റ്റ് ചെയ്യാന് പബ്ലിക് പ്രോസിക്യൂഷന് ഉത്തരവിടുകയായിരുന്നു.
ഇതിന്റെ അടിസ്ഥാനത്തില് അറസ്റ്റ് ചെയ്യാന് ശ്രമിച്ചപ്പോഴാണ് യുവാവ് സുരക്ഷാ സൈനികരെ ഭീഷണിപ്പെടുത്തുകയും ഇതിന്റെ ദൃശ്യങ്ങള് അടങ്ങിയ വീഡിയോ ചിത്രീകരിച്ച് സാമൂഹികമാധ്യമങ്ങളിലൂടെ പ്രചരിപ്പിക്കുകയും ചെയ്തത്. ചോദ്യം ചെയ്യല് അടക്കമുള്ള നടപടികള് പൂര്ത്തിയാക്കി പ്രതിയെ പബ്ലിക് പ്രോസിക്യൂഷന് കൈമാറിയതായി മക്ക പ്രവിശ്യ പോലീസ് അറിയിച്ചു.
