തിരുവനന്തപുരം- ഖത്തര്‍ ലോകകപ്പില്‍ സെമിഫൈനല്‍ കളിക്കാനൊരുങ്ങുന്ന ഫ്രാന്‍സ് ടീമിന് ആശംസയുമായി മുഖ്യമന്ത്രി പിണറായി വിജയന്‍. മുഖ്യമന്ത്രി ഫ്രാന്‍സ് അംബാസഡര്‍ ഇമ്മാനുവല്‍ ലെനെയിനുമായി കൊച്ചിയില്‍ കൂടിക്കാഴ്ച നടത്തി. കേരളത്തിലേക്ക് ഫ്രാന്‍സിനെ ക്ഷണിക്കുകയും ചെയ്തു.
ബുധനാഴ്ചയാണ് ഫ്രാന്‍സ്-മൊറോക്കോ പോരാട്ടം നടക്കുക. ഫ്രാന്‍സിന്റെ ആറാം സെമി പ്രവേശമാണിത്. ക്വാര്‍ട്ടര്‍ പോരാട്ടത്തില്‍ പോര്‍ച്ചുഗലിനെ വീഴ്ത്തിയാണ് മൊറോക്കോ സെമിയിലെത്തുന്നത്. ഏകപക്ഷീയമായ ഒരു ഗോളിനാണ് പോര്‍ച്ചുഗലിനെ മൊറോക്കോ പരാജയപ്പെടുത്തിയത്.
ക്വാര്‍ട്ടറില്‍ ഇംഗ്ലണ്ടിനെ പരാജയപ്പെടുത്തിയാണ് ഫ്രാന്‍സ് സെമിയിലെത്തുന്നത്. ഒന്നിനെതിരെ രണ്ടു ഗോളുകള്‍ക്കാണ് ഇംഗ്ലണ്ടിനെ ഫ്രാന്‍സ് പരാജയപ്പെടുത്തിയത്. തുടര്‍ച്ചയായ രണ്ടാം തവണയാണ് ലോകകപ്പിന്റെ സെമിയില്‍ ഫ്രാന്‍സ് എത്തുന്നത്.
