ജിദ്ദ - കനത്ത മഴക്കിടെ ജിദ്ദക്കു സമീപം ബഹ്റയില് കാര് ഒഴുക്കില് പെട്ട് കാണാതായ സൗദി പൗരന് സാലിം അല്ബഖമിയുടെ മൃതദേഹം സുരക്ഷാ വകുപ്പുകള് കണ്ടൈത്തി. കഴിഞ്ഞ വ്യാഴാഴ്ചയാണ് കാര് ഒഴുക്കില് പെട്ട് 60 കാരനെ കാണാതായത്. ഇദ്ദേഹത്തിന്റെ കാര് വാദി ഫാത്തിമക്കു സമീപം നേരത്തെ കണ്ടെത്തിയിരുന്നു. സുരക്ഷാ വകുപ്പുകളും സിവില് ഡിഫന്സും നാഷണല് ഗാര്ഡും നാവിക സേനയും വളണ്ടിയര് സംഘങ്ങളും നടത്തിയ തിരച്ചിലുകള്ക്കൊടുവിലാണ് ബഹ്റക്ക് പടിഞ്ഞാറ് വാദി ഫാത്തിമയില് മൃതദേഹം കണ്ടെത്തിയത്.
