ജിദ്ദ- ജിദ്ദയില്നിന്ന് നാട്ടിലേക്ക് പോയ കായംകുളം സ്വദേശി മാര്ഗമധ്യേ മരണമടഞ്ഞു. കായംകുളം ഐക്യജംഗ്ഷന് തെക്ക് ചാക്കയില് ഇസ്മായില് കുട്ടിയാണ് മരിച്ചത്. മുംബൈ വിമാനത്താവളത്തില്വെച്ചാണ് മരണമെന്നാണ് അറിയുന്നത്.
ശനിയാഴ്ചയാണ് ജിദ്ദ-മുംബൈ-കൊച്ചി ഇന്ഡിഗോ വിമാനത്തില് ഇദ്ദേഹം നാട്ടിലേക്ക് പോയത്.
വിമാനത്തില്വെച്ച് അസ്വാസ്ഥ്യമനുഭവപ്പെടുകയും തുടര്ന്ന് മുംബൈയില് ഇറങ്ങുകയുമായിരുന്നു എന്നാണ് വിവരം. ഉടന് ആശുപത്രിയിലെത്തിച്ചെങ്കിലും അപ്പോഴേക്കും മരിച്ചിരുന്നു. മൃതദേഹം മുംബൈ ആശുപത്രിയിലാണുള്ളത്. നാട്ടിലേക്ക് കൊണ്ടുപോകാനുള്ള നടപടിക്രമം തുടങ്ങിയിട്ടുണ്ട്.
ജിദ്ദയില് ഹിറ സ്ട്രീറ്റിലാണ് ഇദ്ദേഹം താമസിച്ചിരുന്നത്.
