തിരുപ്പതി-ആന്ധ്രാപ്രദേശിലെ തിരുപ്പതിയില് ആശുപത്രിക്ക് സമീപത്തെ റോഡില് സ്ത്രീ കുഞ്ഞിന് ജന്മം നല്കുന്ന വീഡിയോ പുറത്തുവന്നു. ആശുപത്രി പ്രവേശനം നിഷേധിച്ചതിനെ തുടര്ന്നാണ് റോഡില് പ്രസവിക്കേണ്ടിവന്നതെന്ന് റിപ്പോര്ട്ടുകളില് പറയുന്നു.
ചില സ്ത്രീകള് ഗര്ഭിണിയായ സ്ത്രീയെ സഹായിക്കുന്നതും വേദനകൊണ്ട് നിലവിളിക്കുന്നതും വീഡിയോയില് കാണാം. തിരുപ്പതി മെറ്റേണിറ്റി ഹോസ്പിറ്റലിനു മുന്നില് ബെഡ്ഷീറ്റ് കൊണ്ട് മറച്ചാണ് പ്രസവിക്കാന് സൗകര്യമൊരുക്കിയത്.
അറ്റന്ഡര്മാരില്ലെന്ന് പറഞ്ഞാണ് ഗര്ഭിണിയായ യുവതിക്ക് ആശുപത്രിയില് പ്രവേശനം നിഷേധിച്ചതെന്ന് നാട്ടുകാര് ആരോപിച്ചു.ആശുപത്രി ജീവനക്കാര്ക്കെതിരെ നടപടി വേണമെന്നും അവര് ആവശ്യപ്പെട്ടു.
അതേമസമയം, യുവതിയെ പ്രവേശിപ്പിക്കാന് ആശുപത്രി വിസമ്മതിച്ചിട്ടില്ലെന്നും അശ്രദ്ധയില്ലെന്നും തിരുപ്പതി ജില്ലാ കലക്ടര് പ്രസ്താവിച്ചു.
ആശുപത്രിക്ക് സമീപത്തെ ചായക്കടയിലാണ് യുവതി വീണതെന്ന് കലക്ടര് പറഞ്ഞു. ആശുപത്രി ജീവനക്കാര് അവളെ കണ്ടുവെങ്കിലും പ്രസവത്തിന്റെ അവസാന ഘട്ടത്തിലായതിനാല് ആശുപത്രിയിലേക്ക് മാറ്റാന് കഴിഞ്ഞില്ല. അവിടെ തന്നെ പ്രസവിക്കാന് സഹായിച്ചവെന്നും അമ്മയെയും കുഞ്ഞിനെയും പിന്നീട് ആശുപത്രിയില് പ്രവേശിപ്പിച്ചുവെന്നും കലക്ടര് പറഞ്ഞു.
