സ്‌ഫോടനത്തിന് പിന്നില്‍ വന്‍ തീവ്രവാദ സംഘടനകളുണ്ടാകാം. എല്ലാ വിശദാംശങ്ങളും ഒന്നോ രണ്ടോ ദിവസത്തിനുള്ളില്‍ പുറത്തുവരുമെന്നും അദ്ദേഹം പറഞ്ഞു.
ബംഗളൂരു- മംഗളൂരു ഓട്ടോറിക്ഷാ സ്‌ഫോടനക്കേസില്‍ കേന്ദ്ര സുരക്ഷാ സേനയ്‌ക്കൊപ്പം സംസ്ഥാന പോലീസും അന്വേഷണം ആരംഭിച്ചതായി കര്‍ണാടക ആഭ്യന്തര മന്ത്രി അരഗ ജ്ഞാനേന്ദ്ര പറഞ്ഞു.
സംഭവം ഭീകരപ്രവര്‍ത്തനമാണെന്ന് സംസ്ഥാനത്തെ ഉന്നത പോലീസ് ഉദ്യോഗസ്ഥന്‍ പ്രവീണ്‍ സൂദ് സ്ഥിരീകരിച്ചതിന് തൊട്ടുപിന്നാലെയാണ് മന്ത്രിയുടെ പ്രസ്താവന. ശനിയാഴ്ച ഉച്ചക്കാമ് മംഗളൂരുവില്‍ ഓടിക്കൊണ്ടിരിക്കുന്ന ഓട്ടോറിക്ഷയില്‍ സ്‌ഫോടനമുണ്ടായത്. സംഭവത്തില്‍ പരിക്കേറ്റ െ്രെഡവര്‍ ചികിത്സയിലാണെന്നും സംസാരിക്കാന്‍ കഴിയാത്ത അവസ്ഥയിലാണെന്നും അന്വേഷണത്തിന് അരഗ ജ്ഞാനേന്ദ്ര വീഡിയോ പ്രസ്താവനയില്‍ പറഞ്ഞു. ഇത് ഭീകരപ്രവര്‍ത്തനമാണെന്ന് കര്‍ണാടക പോലീസ് സ്ഥിരീകരിച്ചതായി അദ്ദേഹം വ്യക്തമാക്കി.
സ്‌ഫോടനത്തിന് പിന്നില്‍ വന്‍ തീവ്രവാദ സംഘടനകളുണ്ടാകാം. എല്ലാ വിശദാംശങ്ങളും ഒന്നോ രണ്ടോ ദിവസത്തിനുള്ളില്‍ പുറത്തുവരുമെന്നും അദ്ദേഹം പറഞ്ഞു. കാരാവലി മേഖല ഇത്തരം സംഭവങ്ങള്‍ വര്‍ഷങ്ങളായി നേരിടുന്നുണ്ടെന്നും മന്ത്രി പറഞ്ഞു. കുറച്ച് വര്‍ഷങ്ങളായി കരാവലി മേഖലയില്‍ സമാനമായ നിരവധി സംഭവങ്ങള്‍ ഉണ്ടായിട്ടുണ്ട്. ആ കോണിലും അന്വേഷണം ആരംഭിച്ചിട്ടുണ്ട്. സത്യം ഉടന്‍ വെളിപ്പെടുമെന്നും മന്ത്രി കൂട്ടിച്ചേര്‍ത്തു.
സ്‌ഫോടനത്തെത്തുടര്‍ന്ന് ഓട്ടോറിക്ഷയ്ക്ക് തീപിടിക്കുന്നത് സ്ഥലത്തെ സിസിടിവി ദൃശ്യങ്ങളില്‍ വ്യക്തമാണ്. ഓട്ടോറിക്ഷാ െ്രെഡവര്‍ക്കും ഒരു യാത്രക്കാരനുമാണ് പൊള്ളലേറ്റത്.
ഞായറാഴ്ച രാവിലെയാണ് സ്‌ഫോടനം ഭീകരപ്രവര്‍ത്തനമാണെന്ന് ഡിജിപി പ്രവീണ്‍ സൂദ് സ്ഥിരീകരിച്ചത്. സ്‌ഫോടനം യാദൃശ്ചികമല്ലെന്നും ഗുരുതരമായ നാശനഷ്ടം ഉണ്ടാക്കാന്‍ ഉദ്ദേശിച്ചുള്ള ഭീകരപ്രവര്‍ത്തനമാണെന്നും കര്‍ണാടക സംസ്ഥാന പോലീസ് കേന്ദ്ര ഏജന്‍സികളുമായി ചേര്‍ന്ന് അന്വേഷിക്കുകയാണെന്നും അദ്ദേഹം ട്വീറ്റ് ചെയ്തു.
