അഹമ്മദാബാദ്- കോണ്ഗ്രസായിരുന്നു അധികാരത്തിലെങ്കില് ഇപ്പോള് പ്രതിമാസ ഇന്റര്നെറ്റ് നിരക്ക് 5000 രൂപ ആയേനെയെന്ന്
പ്രധാനമന്ത്രി നരേന്ദ്ര മോഡി. ഗുജറാത്തില് നിയമസഭ തെരഞ്ഞെടുപ്പ് പ്രചാരണം ഊര്ജിതമായിരിക്കെയാണ് നരേന്ദ്ര മോഡിയുടെ അവകാശവാദം.
കോണ്ഗ്രസ് അധികാരത്തിലിരുന്നപ്പോള് ഒരു ജിബി ഡാറ്റക്ക് 300 രൂപയായിരുന്നു നിരക്ക്. ഇപ്പോള് അത് പത്ത് രൂപയാണ്. പ്രതിമാസ ഇന്റര്നെറ്റ് നിരക്ക് 250-300 രൂപയാണ്- മോഡി പറഞ്ഞു. കോണ്ഗ്രസ് തന്നെ തുടര്ന്നിരുന്നെങ്കില് ഇത് 5000 രൂപയാകുമായിരുന്നു-അദ്ദേഹം കൂട്ടിച്ചേര്ത്തു.