ന്യൂദല്‍ഹി- ഇന്ത്യയില്‍ 635 പുതിയ കോവിഡ് കേസുകള്‍ കൂടി സ്ഥിരീകരിച്ചു. ഇതോടെ ആകെ കോവിഡ് കേസുകളുടെ എണ്ണം 4,46,67,311 ആയി, അതേസമയം സജീവ കേസുകള്‍ 7,175 ആയി കുറഞ്ഞുവെന്ന് കേന്ദ്ര ആരോഗ്യ മന്ത്രാലയം വ്യാഴാഴ്ച അപ്‌ഡേറ്റ് ചെയ്ത കണക്കുകള്‍ വ്യക്തമാക്കുന്നു.
11 മരണങ്ങള്‍ കൂടി റിപ്പോര്‍ട്ട് ചെയ്തതോടെ മരണസംഖ്യ 5,30,546 ആയി ഉയര്‍ന്നു. മൊത്തം അണുബാധയുടെ 0.02 ശതമാനമാണ് സജീവ കേസുകള്‍. അതേസമയം ദേശീയ കോവിഡ് രോഗമുക്തി നിരക്ക് 98.79 ശതമാനമായി ഉയര്‍ന്നതായി മന്ത്രാലയത്തിന്റെ വെബ്‌സൈറ്റ് പറയുന്നു.
കഴിഞ്ഞ 24 മണിക്കൂറിനുള്ളില്‍ സജീവമായ കോവിഡ് കേസുകളില്‍ 386 കേസുകളുടെ കുറവ് രേഖപ്പെടുത്തി. രോഗമുക്തി നേടിയവരുടെ എണ്ണം 4,41,29,590 ആയും മരണനിരക്ക് 1.19 ശതമാനമായും ഉയര്‍ന്നു. രാജ്യവ്യാപക വാക്‌സിനേഷന്‍ യജ്ഞത്തിന് കീഴില്‍ രാജ്യത്ത് ഇതുവരെ 219.83 കോടി ഡോസ് കോവിഡ് വാക്‌സിന്‍ നല്‍കിയതായി മന്ത്രാലയത്തിന്റെ കണക്കുകള്‍ വ്യക്തമാക്കുന്നു.
